บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๕ ภาษาบาลี อักษรไทย ชา.อ.๑ เอกนิปาต(๑) หน้าที่ ๒๔๓.
อถ นํ ทุพฺพจมิคํ ปาเสน พนฺธํ ลุทฺโท มาเรตฺวา มํสํ อาทาย ปกฺกามิ ฯ สตฺถาปิ น ตฺวํ ภิกฺขุ อิทาเนว ทุพฺพโจ ปุพฺเพปิ ทุพฺพโจเยวาติ อิทํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา ภาคิเนยฺยมิโค ทุพฺพจภิกฺขุ อโหสิ ภคินี อุปฺปลวณฺณา โอวาทกมิโค ปน อหเมว อโหสีติ ฯ ขราทิยชาตกํ ปญฺจมํ ฯ ------------ ๖ ติปลฺลตฺถมิคชาตกํ มิคนฺติปลฺลตฺถนฺติ อิทํ สตฺถา โกสมฺพิยํ พทริการาเม วิหรนฺโต สิกฺขากามํ ราหุลตฺเถรํ อารพฺภ กเถสิ ฯ เอกสฺมึ หิ กาเล สตฺถริ อาฬวีนครํ อุปนิสฺสาย อคฺคาฬเว เจติเย วิหรนฺเต พหู อุปาสกา จ อุปาสิกา จ ภิกฺขู จ ภิกฺขุนิโย จ วิหารํ ธมฺมสฺสวนตฺถาย คจฺฉนฺติ ฯ ทิวา ธมฺมสฺสวนํ โหติ ฯ คจฺฉนฺเต จ ปน กาเล อุปาสิกา จ ภิกฺขุนิโย จ น คจฺฉึสุ ฯ ภิกฺขู เจว อุปาสกา จ อเหสุํ ฯ ตโต ปฏฺฐาย รตฺตึ ธมฺมสฺสวนํ ชาตํ ฯ ธมฺมสฺสวนปริโยสาเน เถรา ภิกฺขู อตฺตโน อตฺตโน วสนฏฺฐานานิ คจฺฉนฺติ ทหรา อุปาสเกหิ สทฺธึ อุปฏฺฐานสาลายํ สยนฺติ ฯ เตสุ นิทฺทํ อุปคเตสุ เอกจฺเจ ฆรุฆรุปสฺสาสา กากจฺฉมานา ทนฺเต ขาทนฺตา นิปชฺชึสุ เอกจฺเจ มุหุตฺตํ นิทฺทายิตฺวา อุฏฺฐหึสุ ฯ เตสํเนื้อความอรรถกถาฉบับภาษาบาลี อักษรไทย เล่มที่ ๓๕ หน้าที่ ๒๔๓. http://84000.org/tipitaka/read/attha_page.php?book=35&page=243&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=35&A=5041&modeTY=2&pagebreak=1 http://84000.org/tipitaka/atthapali/th_line.php?B=35&A=5041&modeTY=2&pagebreak=1#p243
จบการแสดงผล หน้าที่ ๒๔๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]