บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๕ ภาษาบาลี อักษรไทย ชา.อ.๑ เอกนิปาต(๑) หน้าที่ ๒๙๖.
อยญฺหิ อาตุรนฺนานิ ภุญฺชติ ฯ อาตุรนฺนานีติ มรณโภชนานิ ฯ อปฺโปสฺสุโก ภุสงฺขาทาติ ตสฺส โภชเน นิรุสฺสุกฺโก หุตฺวา อตฺตนา ลทฺธํ ภุสงฺขาท ฯ เอตํ ทีฆายุลกฺขณนฺติ เอตํ ทีฆายุภาวสฺส การณํ ฯ ตโต นจิรสฺเสว เต มนุสฺสา อาคมึสุ ฯ มุณิกํ ฆาเตตฺวา นานปฺปกาเรหิ ปจึสุ ฯ โพธิสตฺโต จูฬโลหิตํ อาห ทิฏฺโฐ เต ตาต มุณิโกติ ฯ ทิฏฺฐํ เม ภาติก มุณิกสฺส โภชนผลํ เอตสฺส ภตฺตโต สตคุเณน สหสฺสคุเณน อมฺหากํ ติณปลาสภุสมตฺตเมว อุตฺตมญฺจ อนวชฺชญฺจ ทีฆายุลกฺขณญฺจาติ ฯ สตฺถา เอวํ โข ตฺวํ ภิกฺขุ ปุพฺเพปิ อิมํ กุมาริกํ นิสฺสาย ชีวิตกฺขยํ ปตฺวา มหาชนสฺส อุตฺตริภงฺคภาวํ คโตติ อิมํ ธมฺมเทสนํ อาหริตฺวา สจฺจานิ ปกาเสสิ ฯ สจฺจปริโยสาเน อุกฺกณฺฐิตภิกฺขุ โสตาปตฺติผเล ปติฏฺฐาสิ ฯ สตฺถาปิ อนุสนฺธึ ฆเฏตฺวา ชาตกํ สโมธาเนสิ ตทา มุณิกสูกโร อุกฺกณฺฐิตภิกฺขุ อโหสิ ถุลฺลกุมาริกา เอสาเอว จูฬโลหิโต อานนฺโท มหาโลหิโต ปน อหเมวาติ ฯ มุณิกชาตกํ ทสมํ ฯ กุรุงฺควคฺโค ตติโย ฯ ------------เนื้อความอรรถกถาฉบับภาษาบาลี อักษรไทย เล่มที่ ๓๕ หน้าที่ ๒๙๖. http://84000.org/tipitaka/read/attha_page.php?book=35&page=296&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=35&A=6104&modeTY=2&pagebreak=1 http://84000.org/tipitaka/atthapali/th_line.php?B=35&A=6104&modeTY=2&pagebreak=1#p296
จบการแสดงผล หน้าที่ ๒๙๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]