บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 35 : PALI ROMAN Jā.A.1 ekanipāt (1) Page 316.
Tumhe amhākaṃ ekadivasampi byañjanatthāya macchaṃ na dethāti āha. Kevaṭṭā kiṃ vadetha sāmi tumhākaṃ ruccanakaṃ macchaṃ gaṇhitvā gacchathāti āhaṃsu. Amhākaṃ aññena kammaṃ natthi imaññeva dethāti. Gaṇhatha sāmīti. Bodhisatto taṃ ubhohi hatthehi gahetvā nadītīre nisīditvā ambho maccha sace tāhaṃ ajja na passeyyaṃ jīvitakkhayaṃ pāpuṇeyyāsi idāni ito paṭṭhāya mā kilesavasikova ahosīti ovaditvā udake vissajjetvā nagaraṃ pāvisi. Satthā imaṃ dhammadesanaṃ āharitvā saccāni pakāsesi. Saccapariyosāne ukkaṇṭhitabhikkhu sotāpattiphale patiṭṭhāsi. Satthāpi anusandhiṃ ghaṭetvā jātakaṃ samodhānesi tadā macchī purāṇadutiyikā ahosi maccho ukkaṇṭhitabhikkhu purohito pana ahameva ahosīti. Macchajātakaṃ catutthaṃ. ------------ 5 Vaṭṭakajātakaṃ santi pakkhāti idaṃ satthā magadhesu cārikañcaramāno dāvagginibbāpanaṃ ārabbha kathesi. Ekasmiñhi samaye satthā magadhesu cārikaṃ caramāno aññatarasmiṃ magadhagāmake piṇḍāya caritvā pacchābhattaṃ piṇḍapātapaṭikkanto bhikkhugaṇaparivuto maggaṃ paṭipajji. Tasmiṃ samaye mahādāvo uṭṭhahi. Purato ca pacchato ca bahū bhikkhū dissanti. Sopi kho aggiThe Pali Atthakatha in Roman Character Volume 35 Page 316. http://84000.org/tipitaka/read/attha_page.php?book=35&page=316&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=35&A=6505&pagebreak=1 http://84000.org/tipitaka/atthapali/rm_line.php?B=35&A=6505&pagebreak=1#p316
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]