บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๒๘๘.
พฺราหฺมโณ ตถา กตฺวา วญฺจิโต วตมฺหิ อิมินาติ โทมนสฺสปฺปตฺโต ปกฺกามิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิคาโล เทวทตฺโต อโหสิ รุกฺขเทวตา ปน อหเมวาติ ฯ สิคาลชาตกํ ตติยํ ฯ --------- ๔ มิตจินฺติชาตกํ พหุจินฺตี อปฺปจินฺตี จาติ อิทํ สตฺถา เชตวเน วิหรนฺโต เทฺว มหลฺลกตฺเถเร อารพฺภ กเถสิ ฯ เต กิร ชนปเท เอกสฺมึ อรญฺญวาเส วสฺสํ วสิตฺวา สตฺถุ ทสฺสนตฺถาย คจฺฉิสฺสามาติ ปาเถยฺยํ สชฺเชตฺวา อชฺช คจฺฉาม เสฺว คจฺฉามาติ มาสํ อติกฺกมิตฺวา ปุน ปาเถยฺยํ สชฺเชตฺวา ตเถว มาสํ ปุน มาสนฺติ เอวํ อตฺตโน กุสีตภาเวน เจว นิวาสนฏฺฐาเน จ สาเปกฺขาย ตโย มาเส อติกฺกมิตฺวา ตโต นิกฺขมฺม เชตวนํ คนฺตฺวา สภาคฏฺฐาเน ปตฺตจีวรํ ปฏิสาเมตฺวา สตฺถารํ ปสฺสึสุ ฯ อถ นํ ภิกฺขู ปุจฺฉึสุ สุจิรํ โว อาวุโส พุทฺธุปฏฺฐานํ อกโรนฺตานํ กสฺมา เอวํ จิรายิตฺถาติ ฯ เต เอตมตฺถํ อาโรเจสุํ ฯ อถ เนสํ โส อาลสิยกุสีตภาโว สงฺเฆ ปากโฏ ชาโต ฯ ธมฺมสภายมฺปิ เนสํ ภิกฺขู ตเมว อาลสิยภาวํ นิสฺสาย กถํ สมุฏฺฐาเปสุํ ฯ สตฺถา อาคนฺตฺวา กาย นุตฺถ ภิกฺขเว เอตรหิ กถาย สนฺนิสินฺนาติเนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๒๘๘. http://84000.org/tipitaka/read/attha_page.php?book=36&page=288&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=5750&modeTY=2&pagebreak=1 http://84000.org/tipitaka/atthapali/th_line.php?B=36&A=5750&modeTY=2&pagebreak=1#p288
จบการแสดงผล หน้าที่ ๒๘๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]