บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๓๓๑.
สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา กฏาหโก วิกตฺถิกภิกฺขุ อโหสิ พาราณสีเสฏฺฐี ปน อหเมวาติ ฯ กฏาหกชาตกํ ปญฺจมํ ฯ -------- ๖ อสิลกฺขณชาตกํ ตเถเวกสฺส กลฺยาณนฺติ อิทํ สตฺถา เชตวเน วิหรนฺโต โกสลรญฺโญ อสิลกฺขณปาฐกํ พฺราหฺมณํ อารพฺภ กเถสิ ฯ โส กิร กมฺมาเรหิ รญฺโญ อสีนํ อาหฏกาเล อสึ อุปสิงฺฆิตฺวา อสิลกฺขณํ อุทาหรติ ฯ โส เยสํ หตฺถโต ลาภํ ลภติ เตสํ อสึ ลกฺขณสมฺปนฺโน มงฺคลสํยุตฺโตติ วทติ เยสํ หตฺถโต น ลภติ เตสํ อสึ อวลกฺขโณติ ครหติ ฯ อเถโก กมฺมาโร อสึ กตฺวา โกสิยํ สุขุมํ มริจจุณฺณํ ปกฺขิปิตฺวา รญฺโญ อสึ อาหริ ฯ ราชา พฺราหฺมณํ ปกฺโกสิตฺวา อสึ วีมํสาหีติ อาห ฯ พฺราหฺมณสฺส อสึ อากฑฺฒิตฺวา อุปสิงฺฆนฺตสฺส มริจจุณฺณานิ นาสํ ปวิสิตฺวา ขิปิตุกามตํ อุปฺปาเทสุํ ฯ ตสฺส ขิปนฺตสฺส นาสิกา อสิธาราย ปหฏา ทฺวิธา ฉิชฺชิ ฯ ตสฺเสว นาสิกาย ฉินฺนภาโว ภิกฺขุสงฺเฆ ปากโฏ ขาโต ฯ อเถกทิวสํ ธมฺมสภายํ ภิกฺขู กถํ สมุฏฺฐาเปสุํ อาวุโส รญฺโญ กิร อสิลกฺขณปาฐโก พฺราหฺมโณ อสิลกฺขณํ อุปสิงฺฆนฺโต นาสิกํ ฉินฺทาเปสีติ ฯ สตฺถา อาคนฺตฺวา กาย นุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมายเนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๓๓๑. http://84000.org/tipitaka/read/attha_page.php?book=36&page=331&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=6596&modeTY=2&pagebreak=1 http://84000.org/tipitaka/atthapali/th_line.php?B=36&A=6596&modeTY=2&pagebreak=1#p331
จบการแสดงผล หน้าที่ ๓๓๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]