บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๓๕๑.
ปกฺโกสาเปตฺวา กึ เอตนฺติ ปุจฺฉิ ฯ เต สพฺพํ ตํ ปวุตฺตึ รญฺโ อาโรเจสุํ ฯ ราชา เตสํ วจนํ สุตฺวา อุโภปิ เสฏฺี ปกฺโกสาเปตฺวา สงฺขเสฏฺึ ปุจฺฉิ สจฺจํ กิร ตยา มหาเสฏฺิ ปิลิยเสฏฺิสฺส จตฺตาฬีสโกฏิธนํ ทินฺนนฺติ ฯ มหาราช มม สหายสฺส มํ ตกฺเกตฺวา ราชคหํ อาคตสฺส น เกวลํ ธนํ สพฺพํ วิภวชาตํ สวิญฺาณกาวิญฺาณกํ เทฺว โกฏฺาเส กตฺวา สมภาคํ อทาสินฺติ ฯ ราชา สจฺจเมตนฺติ ปิลิยเสฏฺึ ปุจฺฉิ ฯ อาม เทวาติ ฯ ตยา ปนสฺส ตญฺเว ตกฺเกตฺวา อาคตสฺส อตฺถิ โกจิ สกฺกาโร วา สมฺมาโน วา กโตติ ฯ โส ตุณฺหี อโหสิ ฯ อปิจ ปน เต เอตสฺส ปลาปตุมฺพมตฺตํ ทุสฺสนฺเต ปกฺขิปาเปตฺวา ทาปิตํ อตฺถีติ ฯ ตมฺปิ สุตฺวา ตุณฺหีเยว อโหสิ ฯ ราชา กึ กาตพฺพนฺติ อมจฺเจหิ สทฺธึ มนฺเตตฺวา ตํ ปริภาสิตฺวา คจฺฉถ ปิลิยเสฏฺิสฺส ฆเร สพฺพํ วิภวํ สงฺขเสฏฺิสฺส เทถาติ อาห ฯ โพธิสตฺโต มหาราช มยฺหํ ปรสนฺตเกน อตฺโถ นตฺถิ มยา ทินฺนมตฺตเมว ปน ทาเปถาติ อาห ฯ ราชา โพธิสตฺตสฺส สนฺตกํ ทาเปสิ ฯ โพธิสตฺโต สพฺพํ อตฺตนา ทินฺนวิภวํ ปฏิลภิตฺวา ทาสปริวุโต ราชคหเมว คนฺตฺวา กุฏุมฺพํ สณฺเปตฺวา ทานาทีนิ ปุญฺานิ กตฺวา ยถากมฺมํ คโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ปิลิยเสฏฺี เทวทตฺโต อโหสิ สงฺขเสฏฺี ปน อหเมวาติ ฯ อสมฺปทานชาตกํ ปมํ ฯ -------------เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๓๕๑. http://84000.org/tipitaka/read/attha_page.php?book=36&page=351&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=6979&pagebreak=1 http://84000.org/tipitaka/atthapali/th_line.php?B=36&A=6979&pagebreak=1#p351
จบการแสดงผล หน้าที่ ๓๕๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]