อรรถกถาเล่มที่ ๓๖ หน้าที่ ๓๘๘.

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิคาโล เทวทตฺโต อโหสิ สีโห ปน อหเมวาติ ฯ วิโรจนชาตกํ ตติยํ ฯ ------ ๔. นงฺคุฏฺฐชาตกํ พหุมฺเปตํ อสพฺภิ ชาตเวทาติ อิทํ สตฺถา เชตวเน วิหรนฺโต อาชีวกานํ มิจฺฉาตปํ อารพฺภ กเถสิ ฯ ตทา กิร อาชีวกา เชตวนปิฏฺฐิยํ นานปฺปการํ มิจฺฉาตปํ จรนฺติ ฯ สมฺพหุลา ภิกฺขู เตสํ ตํ อุกฺกุฏิกปฺปธานวคฺคุลิวตฺต- กณฺฏกาปสฺสยปญฺจตปนาทิเภทมิจฺฉาตปํ ทิสฺวา ภควนฺตํ ปุจฺฉึสุ อตฺถิ นุ โข ภนฺเต อิมํ มิจฺฉาตปํ นิสฺสาย กุสลํ วา วุฑฺฒิ วาติ ฯ สตฺถา น ภิกฺขเว เอวรูปํ มิจฺฉาตปํ นิสฺสาย กุสลํ วา วุฑฺฒิ วา อตฺถิ ปุพฺเพ ปณฺฑิตา เอวรูปํ ตปํ นิสฺสาย กุสลํ วา วุฑฺฒิ วา ภวิสฺสตีติ สญฺญาย ชาตคฺคึ คเหตฺวา อรญฺญํ ปวิสิตฺวา อคฺคิชุหนาทิวเสน กิญฺจิ วุฑฒึ อปสฺสนฺโต อคฺคึ อุทเกน นิพฺพาเปตฺวา กสิณปริกมฺมํ กตฺวา อภิญฺญา จ สมาปตฺติโย จ นิพฺพตฺเตตฺวา พฺรหฺมโลกปรายนา อเหสุนฺติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต อุทิจฺจพฺราหฺมณกุเล นิพฺพตฺติ ฯ ตสฺส ชาตทิวเส มาตาปิตโร ชาตคฺคึ คเหตฺวา ฐเปสุํ ฯ อถ นํ โสฬสวสฺสิกกาเล เอตทโวจุํ

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๓๘๘. http://84000.org/tipitaka/read/attha_page.php?book=36&page=388&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=7714&modeTY=2&pagebreak=1 http://84000.org/tipitaka/atthapali/th_line.php?B=36&A=7714&modeTY=2&pagebreak=1#p388