บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๕๖.
มหาชนสฺส ธมฺมํ เทเสตฺวา โสตฺถิคมนํ คโต ฯ สตฺถาปิ เอวํ ภิกฺขเว ปุพฺเพปิ ปณฺฑิตา ผลกุสลา อเหสุนฺติ อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา ปริสา พุทฺธปริสา อเหสุํ สตฺถวาโห ปน อหเมวาติ ฯ ผลชาตกํ จตุตฺถํ ฯ ------------- ๕. ปญฺจาวุธชาตกํ โย อลีเนน จิตฺเตนาติ อิทํ สตฺถา เชตวเน วิหรนฺโต เอกํ โอสฺสฏฺฐวิริยํ ภิกฺขุํ อารพฺภ กเถสิ ฯ ตํ ภิกฺขุํ สตฺถา อามนฺเตตฺวา สจฺจํ กิร ตฺวํ ภิกฺขุ โอสฺสฏฺฐวิริโยติ ปุจฺฉิตฺวา สจฺจํ ภควาติ วุตฺเต ภิกฺขุ ปุพฺเพปิ ปณฺฑิตา วิริยํ กาตุํ ยุตฺตฏฺฐาเน วิริยํ กตฺวา รชฺชสมฺปตฺตึ ปาปุณึสูติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ตสฺส รญฺโญ อคฺคมเหสิยา กุจฺฉิสฺมึ นิพฺพตฺติ ฯ ตสฺส นามคหณทิวเส อฏฺฐสเต พฺราหฺมเณ สพฺพกาเมหิ สนฺตปฺเปตฺวา ลกฺขณานิ ปฏิปุจฺฉึสุ ฯ ลกฺขณกุสลา พฺราหฺมณา ลกฺขณสมฺปตฺตึ ทิสฺวา ปุญฺญสมฺปนฺโน มหาราช กุมาโร ตุมฺหากํ อจฺจเยน รชฺชํ ปาปุณิสฺสติ ปญฺจาวุธกมฺเมน ปญฺญาโต ปากโฏ สกลชมฺพูทีเป อคฺคปุริโส ภวิสฺสตีติ พฺยากรึสุ ฯ พฺราหฺมณานํ วจนํ สุตฺวา กุมารสฺสเนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๕๖. http://84000.org/tipitaka/read/attha_page.php?book=36&page=56&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=1104&modeTY=2&pagebreak=1 http://84000.org/tipitaka/atthapali/th_line.php?B=36&A=1104&modeTY=2&pagebreak=1#p56
จบการแสดงผล หน้าที่ ๕๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]