อรรถกถาเล่มที่ ๓๖ หน้าที่ ๖๑.

เอวํ สตฺถา อรหตฺเตน ธมฺมเทสนาย กูฏํ คเหตฺวา มตฺถเก จตฺตาริ สจฺจานิ ปกาเสสิ ฯ สจฺจปริโยสาเน โส ภิกฺขุ อรหตฺตํ ปาปุณิ ฯ สตฺถาปิ อนุสนฺธึ ฆเฏตฺวา ชาตกํ สโมธาเนสิ ตทา ยกฺโข องฺคุลิมาโล อโหสิ ปญฺจาวุธกุมาโร ปน อหเมวาติ ฯ ปญฺจาวุธชาตกํ ปญฺจมํ ฯ ------------- ๖. กาญฺจนกฺขนฺธชาตกํ โย ปหฏฺเฐน จิตฺเตนาติ อิทํ สตฺถา เชตวเน วิหรนฺโต อญฺญตรํ ภิกฺขุํ อารพฺภ กเถสิ ฯ เอโก กิร สาวตฺถีวาสี กุลปุตฺโต สตฺถุ ธมฺมเทสนํ สุตฺวา รตนสาสเน อุรํ ทตฺวา ปพฺพชิ ฯ อถสฺส อาจริยุปชฺฌายา อาวุโส เอกวิเธน สีลนฺนาม ทุวิเธน ติวิเธน จตุวิเธน ปญฺจวิเธน ฉพฺพิเธน สตฺตวิเธน อฏฺฐวิเธน นววิเธน ทสวิเธน พหุวิเธน สีลนฺนาม อิทํ จูฬสีลนฺนาม อิทํ มชฺฌิมสีลนฺนาม อิทํ มหาสีลนฺนาม อิทํ ปาฏิโมกฺขสํวรสีลนฺนาม อิทํ อินฺทฺริยสํวรสีลนฺนาม อิทํ อาชีวปาริสุทฺธิสีลนฺนาม อิทํ ปจฺจยปฏิเสวนสีลนฺนามาติ สีลํ อาจิกฺขนฺติ ฯ โส จินฺเตสิ อิทํ สีลนฺนาม อติพหุํ อหํ เอตฺตกํ สมาทาย วตฺติตุํ น สกฺขิสฺสามิ สีลํ ปูเรตุํ อสกฺโกนฺตสฺส จ นาม ปพฺพชฺชาย โก อตฺโถ อหํ คิหี หุตฺวา ทานาทีนิ ปุญฺญานิ กริสฺสามิ ปุตฺตทารญฺจ โปเสสฺสามีติ เอวํ ปน จินฺเตตฺวา ภนฺเต อหํ สีลํ

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๖๑. http://84000.org/tipitaka/read/attha_page.php?book=36&page=61&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=1207&modeTY=2&pagebreak=1 http://84000.org/tipitaka/atthapali/th_line.php?B=36&A=1207&modeTY=2&pagebreak=1#p61