บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๑๐๗.
หิรญฺญสุวณฺณนฺติ ตณฺหาวเสน อุปโภคปริโภควเสน มา คณฺหถ, เอกโกเวส สตฺโต ตีสุ ภเวสุ ปริวตฺตตีติ ฯ เอวํ พุทฺธลีฬฺหาย มหาชนสฺส โอวาทมทาสิ ฯ โส โอวาโท สกลชมฺพุทีปํ ปตฺถริตฺวา สตฺตมตฺตานิ วสฺสสหสฺสานิ อฏฺฐาสิ ฯ มหาชโน โพธิสตฺตสฺส โอวาเท ฐตฺวา ทานาทีนิ ปุญฺญานิ กตฺวา อายุหปริโยสาเน สคฺคปุรํ ๑- ปูเรสิ ฯ โพธิสตฺโตปิ ตเถว ปุญฺญานิ กตฺวา สคฺคปุรํ ปูเรสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โส กุลปุตฺโต โสตาปตฺติผเล ปติฏฺฐาสิ ฯ ตทา กจฺฉโป อานนฺโท อโหสิ, กุมฺภกาโร ปน อหเมวาติ ฯ กจฺฉปชาตกํ อฏฺฐมํ ฯ ----------- ๙ สตธมฺมชาตกํ ตญฺจ อปฺปญฺจ อุจฺฉิฏฺฐนฺติ อิทํ สตฺถา เชตวเน วิหรนฺโต เอกวีสติวิธํ อเนสนํ อารพฺภ กเถสิ ฯ เอกสฺมึ หิ กาเล พหู ภิกฺขู เวชฺชกมฺเมน ทูตกมฺเมน ปหิณคมเนน ชงฺฆเปสนิเกน ทนฺตกฏฺฐทาเนน เวฬุทาเนน ปุปฺผทาเนน ผลทาเนน จุณฺณทาเนน ครุภณฺฑทาเนน โอสธทาเนน ปิณฺฑปาติเกนาติ เอวรูปาย เอกวีสติวิธาย อเนสนาย ชีวิตํ กปฺเปสุํ ฯ สา สาเกตชาตเก อาวิภวิสฺสติ ฯ สตฺถา เตสํ ชีวิตกปฺปนภาวํ ญตฺวา เอตรหิ พหู ภิกฺขู @เชิงอรรถ: ๑ สคฺคปทนฺติปิ ฯเนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๑๐๗. http://84000.org/tipitaka/read/attha_page.php?book=37&page=107&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=2126&modeTY=2&pagebreak=1 http://84000.org/tipitaka/atthapali/th_line.php?B=37&A=2126&modeTY=2&pagebreak=1#p107
จบการแสดงผล หน้าที่ ๑๐๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]