บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 37 : PALI ROMAN Jā.A.3 dukanipātavaṇṇan Page 121.
Imesaṃ sattannaṃ mahākāyānaṃ padālanato mahākāyappadālino. Sabbāmitteti sabbe amitte. Raṇaṃ katvāti yuddhaṃ katvā palāpesīti attho. Na ca kiñci viheṭhayīti ekampi na viheṭheyya. Aviheṭhayanto pana tehi saddhiṃ kaṇḍapesanena raṇaṃ katvā. Saññamaṃ ajjhupāgamīti sīlasaññamaṃ pabbajjaṃ upagatoti. Evaṃ satthā imaṃ dhammadesanaṃ desetvā jātakaṃ samodhānesi. Tadā kaniṭṭhabhātā ānando ahosi, asadisakumāro pana ahamevāti. Asadisajātakaṃ paṭhamaṃ. ---------- 2 Saṅgāmāvacarajātakaṃ saṅgāmāvacaro sūroti idaṃ satthā jetavane viharanto nandattheraṃ ārabbha kathesi. Satthari hi paṭhamagamanena kapilavatthupuraṃ gantvā kaniṭṭhabhātikaṃ nandakumāraṃ pabbājetvā kapilavatthupurā nikkhamma anupubbena sāvatthiyaṃ gantvā viharante āyasmā nando pattaṃ ādāya tathāgatena saddhiṃ gehā nikkhamanakāle nandakumāro kira satthārā saddhiṃ gacchatīti sutvā aḍḍhalikkhitehi kesehi vātapānantarena oloketvā tuvaṭaṃ kho ayyaputta āgaccheyyāsīti idaṃ janapadakalyāṇiyā vuttavacanamanussaranto ukkaṇṭhito anabhirato uppaṇḍuppaṇḍukajātoThe Pali Atthakatha in Roman Character Volume 37 Page 121. http://84000.org/tipitaka/read/attha_page.php?book=37&page=121&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=37&A=2393&pagebreak=1 http://84000.org/tipitaka/atthapali/rm_line.php?B=37&A=2393&pagebreak=1#p121
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]