ATTHAKATHA Book 37 : PALI ROMAN
Ja.A.3 dukanipatavannan
Page 142.

     Tattha supannoti sundarapanno. Supannenati dutiyena
hamsapotakena. Devo devenati te yeva dve deve katva
katheti. Catumatthassati sarirena jatiya sarena gunenati imehi
catuhi matthassa suddhassati akkharattho. Asuddham yeva pana
pasamsavacanena nindanto evamaha. Catuhi matthassa lamakassa kim
ettha sigalassati ayamettha adhippayo. Vilam pavisati idam
bodhisatto bheravarammanam dassetva tam palapento aha.
     Sattha imam dhammadesanam aharitva jatakam samodhanesi.
Tada mahallako sigalo ahosi, dve hamsapotaka
sariputtamoggallana, rukkhadevata pana ahamevati.
                   Catumatthajatakam sattamam.
                     ------------
                     8 Sihakotthukajatakam
     sihanguli sihanakhoti idam sattha jetavane viharanto kokalikam
arabbha kathesi.
     Ekadivasam kira kokaliko annesu bahussutesu dhammakatham kathentesu
sayampi kathetukamo ahosi. Sabbam hetthavuttanayeneva vittharetabbam.
     Tam pana pavattim sutva sattha na bhikkhave kokaliko idaneva
attano saddena pakato jato, pubbepi pakato ahosi yevati
vatva atitam ahari.


The Pali Atthakatha in Roman Character Volume 37 Page 142.
http://84000.org/tipitaka/read/attha_page.php?book=37&page=142&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=37&A=2823&modeTY=2&pagebreak=1
http://84000.org/tipitaka/atthapali/rm_line.php?B=37&A=2823&modeTY=2&pagebreak=1#p142