อรรถกถาเล่มที่ ๓๗ ภาษาบาลี อักษรไทย
ชา.อ.๓ ทุกนิปาตวณฺณนา
หน้าที่ ๑๘๑.

เคหํ โอโลเกตุํ น วิสหิ ฯ สาปิ ปาปา ปุนปิ อติจริตุํ นาสกฺขิ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา
ชาตกํ สโมธาเนสิ ฯ สจฺจปริโยสาเน อุกฺกณฺฐิตภิกฺขุ โสตาปตฺติผเล
ปติฏฺฐหิ ฯ ตทา คามโภชกสฺส นิคฺคหณการโก คหปติ อหเมว
อโหสีติ ฯ
                    คหปติชาตกํ นวมํ ฯ
                    --------------
                     ๑๐ สาธุสีลชาตกํ
     สรีรทพฺยํ วุฑฺฒพฺยนฺติ อิทํ สตฺถา เชตวเน วิหรนฺโต อญฺญตรํ
พฺราหฺมณํ อารพฺภ กเถสิ ฯ
     ตสฺส กิร จตสฺโส ธีตโร อเหสุํ ฯ ตา จตฺตาโร ชนา
ปตฺเถนฺติ, เตสุ เอโก อภิรูโป สรีรสมฺปนฺโน, เอโก วยปฺปตฺโต
มหลฺลโก, เอโก ชาติสมฺปนฺโน, เอโก สีลวา ฯ พฺราหฺมโณ
จินฺเตสิ ธีตโร นิเวสนฺเตน กสฺส นุ โข ทาตพฺพา, กึ รูปสมฺปนฺนสฺส
อุทาหุ วยปฺปตฺตชาติสมฺปนฺนสีลวนฺตานํ อญฺญตรสฺสาติ ฯ โส
จินฺเตนฺโตปิ อชานิตฺวา อิมํ การณํ สมฺมาสมฺพุทฺโธ ชานิสฺสติ, ตํ
ปุจฺฉิตฺวา เอเตสํ อนฺตเร อนุจฺฉวิกสฺส ทสฺสามีติ คนฺธมาลาทีนิ
คาหาเปตฺวา วิหารํ คนฺตฺวา สตฺถารํ วนฺทิตฺวา เอกมนฺตํ นิสินฺโน
ภควโต อาทิโต ปฏฺฐาย ตมตฺถํ อาโรเจตฺวา ภนฺเต อิเมสุ จตูสุ
ชเนสุ กสฺส ทาตุํ วฏฺฏตีติ ปุจฺฉิ ฯ สตฺถา ปุพฺเพปิ เต ปณฺฑิตา


เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๑๘๑.
http://84000.org/tipitaka/read/attha_page.php?book=37&page=181&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=37&A=3588&modeTY=2&pagebreak=1
http://84000.org/tipitaka/atthapali/th_line.php?B=37&A=3588&modeTY=2&pagebreak=1#p181