บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๒๖๔.
ทมสจฺเจนาติ อินฺทฺริยทมสงฺขาเตน ทเมน นิพฺพานสงฺขาเตน จ ปรมตฺถสจฺเจน อเปโต ปริวชฺชิโต ฯ นิสฺสกฺกตฺเถ วา กรณวจนํ ฯ เอตสฺมา ทมสจฺจา อเปโตติ อตฺโถ ฯ สจฺจนฺติ เจตฺถ จตุสจฺจมฺปิ วตฺตติ เยว ฯ น โส กาสาวมรหตีติ โส ปุคฺคโล อนิกฺกสาวตฺตา อรหตฺตทฺธชํ กาสาวํ น อรหติ, อนนุจฺฉวิโก เอตสฺส ฯ โย จ วนฺตกสาวสฺสาติ โย ปน ปุคฺคโล ยถาวุตฺตสฺเสว กาสาวสฺส วนฺตตฺตา วนฺตกสาโว อสฺส ฯ สีเลสุ สุสมาหิโตติ มคฺคสีเลสุ เจว ผลสีเลสุ จ สมฺมา อาหิโต อาเนตฺวา ปิโต วิย เตสุ ปติฏฺิโต ฯ เตหิ สีเลหิ สมงฺคีภูตสฺเสตํ อธิวจนํ ฯ อุเปโตติ สมฺปนฺโน สมนฺนาคโต ฯ ทมสจฺเจนาติ วุตฺตปฺปกาเรน ทเมน เจว สจฺเจน จ ฯ ส เว กาสาวมรหตีติ เอโส เอวรูโป ปุคฺคโล อิมํ อรหตฺตทฺธชํ กาสาวํ อรหติ ฯ เอวํ โพธิสตฺโต ตสฺส ปุริสสฺส อิมํ การณํ กเถตฺวา อิโต ปฏฺาย มา อิธาคจฺฉสิ, อาคจฺฉสิ เจ, ชีวิตนฺเต นตฺถีติ ตชฺเชตฺวา ปลาเปสิ ฯ สตฺถา อิมํ ธมฺมเทสนํ อาหริตฺวา ชาตฺกํ สโมธาเนสิ ฯ ตทา หตฺถิมารกปุริโส เทวทตฺโต อโหสิ, ยูถปติ ปน อหเมวาติ ฯ กาสาวชาตกํ ปมํ ฯ ---------เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๖๔. http://84000.org/tipitaka/read/attha_page.php?book=37&page=264&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=5234&pagebreak=1 http://84000.org/tipitaka/atthapali/th_line.php?B=37&A=5234&pagebreak=1#p264
จบการแสดงผล หน้าที่ ๒๖๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]