บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๒๖๙.
อิติ โส ปริเทวนฺโตว ปฐวึ ปวิสิตฺวา อวีจิมหานิรเย นิพฺพตฺติ ฯ สตฺถา น ภิกฺขเว อิทาเนว เทวทตฺโต กกฺขโฬ ผรุโส, ปุพฺเพปิ กกฺขโฬ ผรุโส นิกฺการุณิโก เยวาติ วตฺวา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา ลุทฺทกปุริโส เทวทตฺโต อโหสิ, ทิสาปาโมกฺโข อาจริโย สาริปุตฺโต, จุลฺลนนฺทิโย อานนฺโท, มาตา มหาปชาปตี โคตมี, มหานนฺทิโย ปน อหเมวาติ ฯ จุลฺลนนฺทิยชาตกํ ทุติยํ ฯ --------- ๓ ปุฏภตฺตชาตกํ นเม นมนฺตสฺสาติ อิทํ สตฺถา เชตวเน วิหรนฺโต เอกํ กุฏุมฺพิกํ อารพฺภ กเถสิ ฯ สาวตฺถินครวาสี กิเรโก กุฏุมฺพิโก เอเกน ชานปทกุฏุมฺพิเกน สทฺธึ โวหารํ อกาสิ ฯ โส อตฺตโน ภริยํ อาทาย ตสฺส ธารณกสฺส สนฺติกํ อคมาสิ ฯ ธารณโก ทาตุํ น สกฺโกมีติ น กิญฺจิ อทาสิ ฯ อิตโร กุชฺฌิตฺวา ภตฺตํ อภุญฺชิตฺวาว นิกฺขมิ ฯ อถ นํ อนฺตรามคฺเค ฉาตชฺฌตฺตํ ทิสฺวา มคฺคปฏิปนฺนา ปุริสา ภริยายปิ ทตฺวา ภุญฺชาหีติ ภตฺตปุฏํ อทํสุ ฯ โส ตํ คเหตฺวา ตสฺสา อทาตุกาโม หุตฺวา ภทฺเท อิทํ โจรานํ ติฏฺฐนฏฺฐานํ, ตฺวํ ปุรโต ยาหีติ ตํ อุยฺโยเชตฺวา สพฺพํ ภตฺตํ ภุญฺชิตฺวา ตุจฺฉปุฏํ ทสฺเสตฺวา ภทฺเทเนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๖๙. http://84000.org/tipitaka/read/attha_page.php?book=37&page=269&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=5335&modeTY=2&pagebreak=1 http://84000.org/tipitaka/atthapali/th_line.php?B=37&A=5335&modeTY=2&pagebreak=1#p269
จบการแสดงผล หน้าที่ ๒๖๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]