บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๒๗๔.
ตตฺถ คุณา ปรมภทฺทกาติ ยสฺเสเต ภทฺทกา จตฺตาโร ราสฏฺเฐน ปิณฺฑฏฺเฐน คุณา น วิชฺชนฺติ โส ปจฺจามิตฺตํ อติกฺกมิตุํ น สกฺโกตีติ ฯ เสสเมตฺถ สพฺพํ เหฏฺฐา กุมฺภีลชาตเก วุตฺตนยเมว สทฺธึ สโมธาเนนาติ ฯ กุมฺภีลชาตกํ จตุตฺถํ ฯ -------- ๕ ขนฺติวณฺณนชาตกํ อตฺถิ เม ปุริโส เทวาติ อิทํ สตฺถา เชตวเน วิหรนฺโต โกสลราชานํ อารพฺภ กเถสิ ฯ ตสฺส กิเรโก พหุปฺปกาโร อมจฺโจ อนฺเตปุเร ปทุสฺสิ ฯ ราชา อุปการโก เมติ ญตฺวาปิ อธิวาเสตฺวา สตฺถุ อาโรเจสิ ฯ สตฺถา ปุราณกราชาโนปิ มหาราช เอวํ อธิวาเสสุํ เยวาติ วตฺวา เตน ยาจิโต อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต เอโก อมจฺโจ ตสฺส อนฺเตปุเร ปทุสฺสิ ฯ อมจฺจสฺสาปิ เสวโก ตสฺส เคเห ปทุสฺสิ ฯ โส ตสฺส อปราธํ อธิวาเสตุํ อสกฺโกนฺโต ตํ อาทาย รญฺโญ สนฺติกํ คนฺตฺวา เทว เอโก เม อุปฏฺฐาโก สพฺพกิจฺจการโก, โส มยฺหํ เคเห ปทุสฺสิ, ตสฺส กึ กาตุํ วฏฺฏตีติ ปุจฺฉนฺโต ปฐมํ คาถมาห อตฺถิ เม ปุริโส เทว สพฺพกิจฺเจสุ พฺยาวโฏ, ตสฺส เจโกปราธตฺถิ, ตตฺถ ตฺวํ กินฺติ มญฺญสีติ ฯเนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๗๔. http://84000.org/tipitaka/read/attha_page.php?book=37&page=274&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=5438&modeTY=2&pagebreak=1 http://84000.org/tipitaka/atthapali/th_line.php?B=37&A=5438&modeTY=2&pagebreak=1#p274
จบการแสดงผล หน้าที่ ๒๗๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]