บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๒๘๒.
คูถปาณโก โกณฺโฑ อโหสิ, วารโณ โส ภิกฺขุ, ตํ การณํ ปจฺจกฺขโต ทิสฺวา ตสฺมึ วนสณฺเฑ นิพฺพตฺตเทวตา ปน อหเมวาติ ฯ คูถปาณกชาตกํ สตฺตมํ ฯ ----------- ๘ กามนีตชาตกํ ตโย คิรินฺติ อิทํ สตฺถา เชตวเน วิหรนฺโต กามนีตพฺราหฺมณํ นาม อารพฺภ กเถสิ ฯ วตฺถุ ปจฺจุปฺปนฺนญฺจ อตีตญฺจ ทฺวาทสนิปาเต กามชาตเก อาวิภวิสฺสติ ฯ เตสุ ปน ทฺวีสุ ราชปุตฺเตสุ เชฏฺฐโก อาคนฺตฺวา พาราณสิยํ ราชา อโหสิ ฯ กนิฏฺโฐ อุปราชา ฯ เตสุ ราชา วตฺถุกามกิเลสกาเมสุ อติตฺโต ธนโลโล ๑- อโหสิ ฯ ตทา โพธิสตฺโต สกฺโก เทวราชา หุตฺวา ชมฺพุทีปํ โอโลเกนฺโต ตสฺส รญฺโญ ทฺวีสุปิ กาเมสุ อติตฺตภาวํ ญตฺวา อิมํ ราชานํ นิคฺคเหตฺวา ลชฺชาเปสฺสามีติ พฺราหฺมณมาณวกวณฺเณน อาคนฺตฺวา ราชานํ ปสฺสิ ฯ รญฺญา จ เกนตฺเถน อาคโตสิ มาณวาติ วุตฺเต อหํ มหาราช ตีณิ นครานิ ปสฺสามิ เขมานิ สุภิกฺขานิ ปหูตหตฺถิอสฺสรถปตฺติหิรญฺญสุวณฺณาลงฺการภริตานิ, สกฺกา ปน ตานิ อปฺปเกเนว พเลน คณฺหิตุํ, อหนฺเต ตานิ คเหตฺวา ทาตุํ อาคโตติ อาห ฯ กทา คจฺฉาม มาณวาติ วุตฺเต เสฺว @เชิงอรรถ: ๑ ธนโลโภติปิ ฯเนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๘๒. http://84000.org/tipitaka/read/attha_page.php?book=37&page=282&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=5601&modeTY=2&pagebreak=1 http://84000.org/tipitaka/atthapali/th_line.php?B=37&A=5601&modeTY=2&pagebreak=1#p282
จบการแสดงผล หน้าที่ ๒๘๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]