บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๗ ภาษาบาลี อักษรไทย ชา.อ.๓ ทุกนิปาตวณฺณนา หน้าที่ ๓๑๒.
อฏฺฐาสิ เตสํ ปมาทํ อาคมยมาโน ฯ ตสฺมึ ขเณ โพธิสตฺโต มจฺฉคณปริวุโต โคจรํ คณฺหนฺโต ตํ ฐานํ ปาปุณิ ฯ มจฺฉคโณ ตํ พกํ ปสฺสิตฺวา ปฐมํ คาถมาห ภทฺทโก วตายํ ปกฺขี ทิโช กุมุทสนฺนิโภ วูปสนฺเตหิ ปกฺเขหิ มนฺทมนฺโทว ฌายตีติ ฯ ตตฺถ มนฺทมนฺโทว ฌายตีติ อพลพโล วิย หุตฺวา กิญฺจิ อชานนฺโต วิย เอกโกว ฌายตีติ ฯ อถ นํ โพธิสตฺโต โอโลเกตฺวา ทุติยํ คาถมาห นาสฺส สีลํ วิชานาถ อนญฺญาย ปสํสถ, อมฺเห ทิโช น ปาเลติ, เตน ปกฺขี น ผนฺทตีติ ฯ ตตฺถ อนญฺญายาติ อชานิตฺวา ฯ อมฺเห ทิโช น ปาเลตีติ เอส ทิโช อมฺเห น รกฺขติ น โคปายติ กตรํ นุ โข เอเตสุ กพลํ กริสฺสามีติ อุปธาเรติ ฯ เตน ปกฺขี น ผนฺทตีติ เตนายํ สกุโณ น ผนฺทติ น จลตีติ ฯ เอวํ วุตฺเต มจฺฉคโณ อุทกํ โขเภตฺวา พกํ ปลาเปสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา พโก กุหโก อโหสิ, มจฺฉราชา ปน อหเมวาติ ฯ พกชาตกํ ฉฏฺฐํ ฯ ----------เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๓๑๒. http://84000.org/tipitaka/read/attha_page.php?book=37&page=312&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=6182&modeTY=2&pagebreak=1 http://84000.org/tipitaka/atthapali/th_line.php?B=37&A=6182&modeTY=2&pagebreak=1#p312
จบการแสดงผล หน้าที่ ๓๑๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]