อรรถกถาเล่มที่ ๓๗ หน้าที่ ๔๘.

มหาราช อหํ จกฺกวตฺติกาเล สตฺตรตนมเย รเถ นิสีทิตฺวา อากาเส วิจรึ, โส เม รโถ มงฺคลโปกฺขรณิยา อนฺโตภูมิยํ นิทหาปิโต, ตํ มงฺคลโปกฺขรณิโต อุกฺขิปาเปหิ, โส เม สกฺขี ภวิสฺสตีติ ฯ ราชา สาธูติ ปฏิสุณิตฺวา โปกฺขรณิโต อุทกํ นีหราเปตฺวา รถํ นีหราเปตฺวา โพธิสตฺตสฺส วจนํ สทฺทหิ ฯ โพธิสตฺโต มหาราช เปตฺวา อมตมหานิพฺพานํ อวเสสา สพฺเพ สงฺขตธมฺมา หุตฺวา อภาวโต ^๑- อนิจฺจา ขยวยธมฺมา เยวาติ รญฺโ ธมฺมํ เทเสตฺวา ราชานํ ปญฺจสุ สีเลสุ ปติฏฺาเปสิ ฯ ราชาปิ ปสนฺโน โพธิสตฺตํ รชฺเชน ปูเชตฺวา มหนฺตํ สกฺการํ อกาสิ ฯ โส รชฺชํ ตสฺเสว ปฏิทตฺวา กติปาหํ วสิตฺวา อปฺปมตฺโต โหหิ มหาราชาติ โอวทิตฺวา อากาเส อุปฺปติตฺวา ทณฺฑกหิรญฺปพฺพตเมว อคมาสิ ฯ ราชาปิ โพธิสตฺตสฺส โอวาเท ิโต ทานาทีนิ ปุญฺานิ กตฺวา ยถากมฺมํ คโต ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน อุกฺกณฺิตภิกฺขุ อรหตฺเต ปติฏฺหิ ฯ ตทา ราชา อานนฺโท อโหสิ, สุวณฺณโมโร ปน อหเมวาติ ฯ โมรชาตกํ นวมํ ฯ @เชิงอรรถ: ^๑ อภาวิโนติปิ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๔๘. http://84000.org/tipitaka/read/attha_page.php?book=37&page=48&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=968&pagebreak=1 http://84000.org/tipitaka/atthapali/th_line.php?B=37&A=968&pagebreak=1#p48