อรรถกถาเล่มที่ ๓๗ หน้าที่ ๕๘.

เอกํ สามํ นาม มิคึ สีหสฺส จ พฺยคฺฆสฺส จ ทีปิโน จ มุขํ เลหนฺตึ ทิสฺวา สปฺปุริเสหิ สทฺธึ สนฺถวา ปรํ เสยฺโย นาม นตฺถีติ จินฺเตตฺวา ทุติยํ คาถมาห น สนฺถวสฺมา ปรมตฺถิ เสยฺโย โย สนฺถโว สปฺปุริเสน โหติ, สีหสฺส พฺยคฺฆสฺส จ ทีปิโน จ สามา มุขํ เลหติ สนฺถเวนาติ ฯ ตตฺถ สามา มุขํ เลหติ สนฺถเวนาติ สามา นาม มิคี อิเมสํ ติณฺณํ ชนานํ สนฺถเวน สิเนเหน มุขํ เลหตีติ ฯ เอวญฺจ ปน วตฺวา โพธิสตฺโต อนฺโตหิมวนฺตํ ปวิสิตฺวา อิสิปพฺพชฺชํ ปพฺพชิตฺวา อภิญฺญา จ สมาปตฺติโย จ นิพฺพตฺเตตฺวา ชีวิตปริโยสาเน พฺรหฺมโลกูปโค อโหสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ อหนฺเตน สมเยน ตาปโส อโหสินฺติ ฯ สนฺถวชาตกํ ทุติยํ ฯ ----------

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๕๘. http://84000.org/tipitaka/read/attha_page.php?book=37&page=58&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=1149&modeTY=2&pagebreak=1 http://84000.org/tipitaka/atthapali/th_line.php?B=37&A=1149&modeTY=2&pagebreak=1#p58