บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๑๑๓.
ตํ สุตฺวา โพธิสตฺโต ตติยํ คาถมาห ปุนปาปชฺชสี สมฺม สีลํ หิ ตว ตาทิสํ น หิ มานุสิกา โภคา สุภุญฺชา โหนฺติ ปกฺขินาติ ฯ ตตฺถ ปุนปาปชฺชสี สมฺมาติ สมฺม วายส ปุนปิ ตฺวํ เอวรูปํ ทุกฺขํ ปฏิลภิสฺสเสว นตฺถิ เอตฺตเกน โมกฺโข กึการณา สีลํ หิ ตว ตาทิสํ ปาปกํ ยสฺมา ตว อาจารสีลํ ตาทิสํ ทุกฺขาธิคมนสฺเสว อนุรูปํ ฯ น หิ มานุสิกาติ มนุสฺสา นาม มหาปุญฺญา ติรจฺฉานคตานํ ตถารูปํ ปุญฺญํ นตฺถิ ตสฺมา มานุสิกา โภคา ติรจฺฉานคเตน ปกฺขินา น ภุญฺชิตพฺพาติ ฯ เอวญฺจ ปน วตฺวา โพธิสตฺโต อิโต ปฏฺฐาย มยา อิธ วสิตุํ น สกฺกาติ อุปฺปติตฺวา อญฺญตฺถ อคมาสิ ฯ กาโกปิ นิตฺถุนนฺโต ตตฺเถว กาลมกาสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โส ภิกฺขุ อนาคามิผเล ปติฏฺฐหิ ฯ ตทา โลลกาโก โลลภิกฺขุ อโหสิ ฯ ปาราวโต ปน อหเมวาติ ฯ โลลชาตกํ จตุตฺถํ -------- รุจิรชาตกํ กายํ พลากา รุจิราติ อิทํ สตฺถา เชตวเน วิหรนฺโต เอกํ โลลภิกฺขุํ อารพฺภ กเถสิ ฯ เทฺวปิ วตฺถูนิ ปุริมสทิสาเนว ฯ คาถาเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๑๑๓. http://84000.org/tipitaka/read/attha_page.php?book=38&page=113&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=2347&modeTY=2&pagebreak=1 http://84000.org/tipitaka/atthapali/th_line.php?B=38&A=2347&modeTY=2&pagebreak=1#p113
จบการแสดงผล หน้าที่ ๑๑๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]