บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๒๒๑.
พหุสฺสุตสฺสาติ พหูนํ กสิณปริกมฺมามํ อฏฺฐนฺนญฺจ สมาปตฺตีนํ สุตตฺตา เจว ปฏิวิทฺธตฺตา จ พหุสฺสุตสฺส ฯ ตุวนฺติ เตสุ เอกํ ตาปสํ อาลปนฺโต อิทานิ มํ มา ตฺวํ ปุเร วิย สญฺชานิ นาหํ ปุริมสทิโส อาจริโย เม ลทฺโธติ ทีเปติ ฯ ตํ สุตฺวา ตาปโส ตติยํ คาถมาห สเจปิ เสลสฺมึ วปฺเปยฺย วีชํ เทโว จ วสฺเส เนว หิ ตํ วิรุฬฺเห สุตา หิ ตยา ปรมา วิสุทฺธิ อารา ตุวํ มกฺกฏ ฌานภูมิยาติ ฯ ตสฺสตฺโถ สเจปิ ปาสาณปิฏฺเฐ ปญฺจวิธํ วีชํ วปฺเปยฺย เทโว จ สมฺมา วสฺเสยฺย อกฺเขตตฺตา ยํ ตํ น วิรุฬฺเหยฺย เอวเมว ตยา ปรมชฺฌานวิสุทฺธิ สุตา ตฺวํ ปน ติรจฺฉานโยนิกตฺตา อารา มกฺกฏ ฌานภูมิยา ทูเร ฐิโต น สกฺกา ตยา ฌานํ นิพฺพตฺเตตุนฺติ มกฺกฏํ ครหึสุ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เกฬิสีลตาปสา อิเม ภิกฺขู อเหสุํ โกมาริยปุตฺโต ปน อหเมวาติ ฯ โกมาริยปุตฺตชาตกํ นวมํ --------- พกชาตกํ ปรปาณฆาเตติ อิทํ สตฺถา เชตวเน วิหรนฺโต ปุราณสนฺถตํ อารพฺภ กเถสิ ฯ วตฺถุปิ วินเย วิตฺถารโต อาคตเมว ฯ อยํเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๒๑. http://84000.org/tipitaka/read/attha_page.php?book=38&page=221&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=4598&modeTY=2&pagebreak=1 http://84000.org/tipitaka/atthapali/th_line.php?B=38&A=4598&modeTY=2&pagebreak=1#p221
จบการแสดงผล หน้าที่ ๒๒๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]