บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๒๔๖.
คุณสมฺปนฺโนติ วา เอวํ ยตฺถ ชาติยา วินเยน วา น ชานนฺตีติ อตฺโถ ฯ มานนฺติ เอวรูปํ มํ ลามกโวหาเรน โวหรนฺติ น สกฺกโรนฺติ น ครุกโรนฺตีติ มานํ น กเรยฺย ฯ วสํ อญฺญาตเก ชเนติ อตฺตโน ชาติโคตฺตานิ อชานนฺตสฺส ชนสฺส สนฺติเก วสนฺโต ฯ วสโตติ วสตา ฯ อยเมว วา ปาโฐ ฯ เอวนฺเต ตตฺถ ตีณิ วสฺสานิ วสึสุ ฯ อถ เน ปิตา ปกฺโกสาเปสิ ฯ เต ตโต ปฏฺฐาย นีหฏมานา ชาตา ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสสิ ฯ สจฺจปริโยสาเน โกธโน ภิกฺขุ อนาคามิผเล ปติฏฺฐหิ ฯ ตทา จุลฺลททฺทโร โกธโน ภิกฺขุ อโหสิ ฯ มหาททฺทโร ปน อหเมวาติ ฯ ททฺทรชาตกํ จตุตฺถํ ------- สีลวีมํสชาตกํ นตฺถิ โลเก รโห นามาติ อิทํ สตฺถา เชตวเน วิหรนฺโต กิเลสนิคฺคหํ อารพฺภ กเถสิ ฯ วตฺถุ เอกาทสนิปาเต ปญฺจาลชาตเก ๑- อาวิภวิสฺสติ ฯ อยํ ปเนตฺถ สงฺเขปตฺโถ ฯ ปญฺจสตา ภิกฺขู อนฺโตเชตวเน วสนฺตา มชฺฌิมยามสมนนฺตเร กามวิตกฺกํ วิตกฺกยึสุ ฯ สตฺถา สพฺพรตฺตินฺทิวํ สพฺพกาเล ยถา เอกจกฺขุโก จกฺขุํ เอกปุตฺโต ปุตฺตํ จามรี พาลํ อปฺปมาเทน รกฺขติ เอวํ นิจฺจกาลํ ภิกฺขู โอโลเกติ ฯ โส @เชิงอรรถ: ๑ ปานียชาตเก ฯเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๔๖. http://84000.org/tipitaka/read/attha_page.php?book=38&page=246&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=5108&modeTY=2&pagebreak=1 http://84000.org/tipitaka/atthapali/th_line.php?B=38&A=5108&modeTY=2&pagebreak=1#p246
จบการแสดงผล หน้าที่ ๒๔๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]