บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 38 : PALI ROMAN Jā.A.4 tika-pañcakanipāta Page 339.
Sīsatoti āha. Tāni harantāpi nīharituṃ nāsakkhiṃsu. Ayapaṭṭena bandhāni pupphāni viya ahesuṃ. Atha naṃ ukkhipitvā gehaṃ nayiṃsu. Tassa tattha viravantassa satta divasā vītivattā. Rājā amacce āmantetvā dussīlabrāhmaṇo marissati kiṃ karomāti āha. Deva puna ussavaṃ kārema devaputtā punāgacchissantīti. Rājā puna ussavaṃ kāresi. Devaputtā punāgantvā sakalanagaraṃ pupphagandhena ekagandhaṃ katvā tatheva rājaṅgaṇe aṭṭhaṃsu. Mahājano sannipatitvā dussīlabrāhmaṇaṃ ānetvā tesaṃ purato uttānaṃ nipajjāpesi. So jīvitaṃ me detha sāmīti devaputte yāci. Te devaputtā tuyhaṃ lāmakassa dussīlassa pāpadhammassa ananucchavikānetāni pupphāni tvaṃ ime vañcissāmīti saññī ahosi aho attano te musāvādaphalaṃ laddhanti taṃ mahājanassa majjhe garahitvā sīsato pupphacumbitakaṃ apanetvā mahājanassovādaṃ datvā sakaṭṭhānameva agamaṃsu. Satthā imaṃ dhammadesanaṃ āharitvā jātakaṃ samodhānesi tadā brāhmaṇo devadatto ahosi tesu devaputtesu eko kassapo eko moggallāno eko sārīputto jeṭṭhakadevaputto pana ahamevāti. Kakkārujātakaṃ chaṭṭhaṃ ----------- kākātijātakaṃ vāti cāyaṃ tato gandhoti idaṃ satthā jetavane viharantoThe Pali Atthakatha in Roman Character Volume 38 Page 339. http://84000.org/tipitaka/read/attha_page.php?book=38&page=339&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=38&A=7041&pagebreak=1 http://84000.org/tipitaka/atthapali/rm_line.php?B=38&A=7041&pagebreak=1#p339
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]