อรรถกถาเล่มที่ ๓๘ หน้าที่ ๓๖๗.

คนฺตฺวา ธมฺเมน รชฺชํ กาเรนฺโต สพฺพํ ปฏิปากติกํ อกาสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ราชา อานนฺโท อโหสิ ตาปโส ปน อหเมวาติ ฯ ราโชวาทชาตกํ จตุตฺถํ ------------ ชมฺพุกชาตกํ พฺรหา ปวฑฺฒกาโย โสติ อิทํ สตฺถา เวฬุวเน วิหรนฺโต เทวทตฺตสฺส สุคตาลยการณํ อารพฺภ กเถสิ ฯ วตฺถุ เหฏฺฐา วิตฺถาริตเมว ฯ อยํ ปเนตฺถ สงฺเขปตฺโถ ฯ สตฺถารา สารีปุตฺต เทวทตฺโต ตุมฺเห ทิสฺวา กึ อกาสีติ วุตฺโต เถโร อาห ภนฺเต โส ตุมฺหากํ อนุกโรนฺโต มม หตฺเถ วีชนึ ทตฺวา นิปชฺชิ อถ นํ โกกาลิโก อุเร ชานุนา ปหรติ อิติ โส ตุมฺหากํ อนุกโรนฺโต ทุกฺขํ อนุโภตีติ ฯ ตํ สุตฺวา สตฺถา น สารีปุตฺต เทวทตฺโต อิทาเนว มม กิริยํ อนุกโรนฺโต ทุกฺขํ อนุภวติ ปุพฺเพปิ อนุโภสิเยวาติ วตฺวา เถเรน ยาจิโต อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต สีหโยนิยํ นิพฺพตฺติตฺวา หิมวนฺเต คุหายํ วสมาโน เอกทิวสํ มหิสํ วธิตฺวา มํสํ ขาทิตฺวา ปานียํ ปิวิตฺวา คุหํ อาคจฺฉติ ฯ เอโก สิคาโล ตํ ทิสฺวา ปลายิตุํ อสกฺโกนฺโต อุเรน นิปชฺชิ ฯ กึ ชมฺพุกาติ วุตฺเต อุปฏฺฐหิสฺสามิ ตํ ภทฺทนฺเตติ อาห ฯ สีโห เตนหิ เอหีติ ตํ อตฺตโน

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๓๖๗. http://84000.org/tipitaka/read/attha_page.php?book=38&page=367&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=7619&modeTY=2&pagebreak=1 http://84000.org/tipitaka/atthapali/th_line.php?B=38&A=7619&modeTY=2&pagebreak=1#p367