บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๔๐๔.
โย ทนฺธกาเล ตรติ ตรณีเย จ ทนฺธติ สุกฺกปณฺณํว อกฺกมฺม อตฺถํ ภญฺเชติ อตฺตโน โย ทนฺธกาเล ทนฺเธติ ตรณีเย จ ตารยิ สสีว รตฺตึ วิภญฺชิ ๑- ตสฺสตฺโถ ปริปูรตีติ ฯ ตตฺถ ทนฺธกาเลติ เตสํ เตสํ กมฺมานํ สณิกํ กตฺตพฺพกาเล ตุริตตุริโต เวเคน ตานิ กมฺมานิ กโรติ ฯ สุกฺกปณฺณํวาติ ยถา วาตาตปสุกฺกตาลปณฺณํ พลวา ปุริโส อกฺกมิตฺวา ภญฺเชยฺย ตตฺเถว จุณฺณวิจุณฺณํ กเรยฺย เอวํ โส อตฺตโน อตฺถํ ภญฺชติ ฯ ทนฺเธตีติ ทนฺธายติ ทนฺธกาตพฺพานิ ทนฺธเมว กโรติ ฯ ตารยีติ ตุริตกาตพฺพานิ กมฺมานิ ตุริโต จ กโรติ ฯ สสีว รตฺตึ วิภญฺชีติ ยถา จนฺโท ชุณฺหปกฺขํ รตฺตึ โชตยมาโน กาฬปกฺขรตฺติโต รตฺตึ วิภญฺชนฺโต ทิวเส ทิวเส ปริปูรติ เอวํ ตสฺส ปุริสสฺส อตฺโถ ปริปูรตีติ วุตฺตํ โหติ ฯ ราชา โพธิสตฺตสฺส วจนํ สุตฺวา ตโต ปฏฺฐาย อนลโส ชาโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา คชกุมฺโภ อลโส ภิกฺขุ อโหสิ ปณฺฑิตามจฺโจ ปน อหเมวาติ ฯ คชกุมฺภชาตกํ ปญฺจมํ ------------ @เชิงอรรถ: ๑. วิภชํ ฯเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๔๐๔. http://84000.org/tipitaka/read/attha_page.php?book=38&page=404&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=8387&modeTY=2&pagebreak=1 http://84000.org/tipitaka/atthapali/th_line.php?B=38&A=8387&modeTY=2&pagebreak=1#p404
จบการแสดงผล หน้าที่ ๔๐๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]