romanATTHA book 38 Page 479.

Kapanam. Hanasiti velupesikaya tikkhattum paharasi. Tahanti tam aham. Saranti saranto. Dukkhaseyyanti tasmim apane dukkhasayanam. Api rajjampi karayeti sacepi baranasirajjam gahetva mayham datva mam rajjam kareyyasi evampi tam nevaham yacito dajjam tam ekampi ambapakkam aham taya yacito na dadeyyam. Kimkarana. Tathahi bhayatajjitoti tathahi aham taya bhayena tajjitoti attho. Gabbhe tittanti subhojanena matukucchiyamyeva alankatapatiyatte sayanagabbheyeva va tittam bhogasaya akapanam. Sakhinca mittancati sakhibhavanca mittabhavanca tatharupena kule jatena tittena akapanena amaccharina saddhim pandito sandhatum puna ghatetum arahati taya kapanena ahitundikena saddhim ko pana mittabhavam ghatetiti attho. Evanca pana vatva vanaro vanaghatam sahasa pavisi. Sattha imam dhammadesanam aharitva jatakam samodhanesi tada ahitundiko mahallakatthero ahosi makkato samanero dhannavanijo ahamevati. Ahitundikajatakam pancamam ----------- gumbiyajatakam madhuvannam madhurasanti idam sattha jetavane viharanto ukkanthitam bhikkhum arabbha kathesi. Tam hi sattha saccam kira tvam bhikkhu ukkanthitositi pucchitva

The Pali Atthakatha in Roman Character Volume 38 Page 479. http://84000.org/tipitaka/read/attha_page.php?book=38&page=479&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=38&A=9946&modeTY=2&pagebreak=1 http://84000.org/tipitaka/atthapali/rm_line.php?B=38&A=9946&modeTY=2&pagebreak=1#p479