อรรถกถาเล่มที่ ๓๘ หน้าที่ ๕๐๐.

อตฺถิตาย ฯ อิสิ มา โรทีติ ตสฺสา ตฺวํ อิสิ มา โรทิ ฯ กึการณา ฯ โรทิตํ โมฆมาหุ สนฺโตติ พุทฺธาทโย โรทิตํ โมฆนฺติ วทนฺติ ฯ มโต เปโตติ โย เอส มโต เปโตติ วุจฺจติ ยทิ โส โรทิเตน สมุฏฺฐเหยฺย เอวํ สนฺเต กึ นิกฺกมฺมา อจฺฉาม สพฺเพว สมาคมฺม อญฺญมญฺญสฺส ญาตเก โรทาม ยสฺมา ปน เต โรทิตการณา น อุฏฺฐหนฺติ ตสฺมา โรทิตสฺส โมฆภาวํ สาเวติ ฯ เอวํ สกฺกสฺส กเถนฺตสฺส กเถนฺตสฺส ตาปโส นิรตฺถกํ โรทิตนฺติ สลฺลกฺเขตฺวา สกฺกสฺส ถุตึ กโรนฺโต ติสฺโส คาถา อภาสิ อาทิตฺตํ วต มํ สนฺตํ ฆตสิตฺตํว ปาวกํ วารินา วิย โอสิญฺจํ สพฺพํ นิพฺพาปเย ทรํ อพฺพุฬฺหํ วต เม สลฺลํ ยมาสิ หทยนิสฺสิตํ โย เม โสกปเรตสฺส ปุตฺตโสกํ อปานุทิ โสหํ อพฺพุฬฺหสลฺโลสฺมิ วีตโสโก อนาวิโล น โสจามิ น โรทามิ ตว สุตฺวาน วาสวาติ ฯ ตตฺถ ยมาสีติ ยํ เม อาสิ ฯ หทยนิสฺสิตนฺติ หทเย นิสฺสิตํ ฯ อปานุทีติ นีหริ ฯ สกฺโก ตาปสสฺส โอวาทํ ทตฺวา สกฏฺฐานเมว คโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ตาปโส มหลฺลโก อโหสิ มิโค สามเณโร สกฺโก ปน อหเมวาติ ฯ มิคโปตกชาตกํ ทุติยํ --------

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๕๐๐. http://84000.org/tipitaka/read/attha_page.php?book=38&page=500&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=10377&modeTY=2&pagebreak=1 http://84000.org/tipitaka/atthapali/th_line.php?B=38&A=10377&modeTY=2&pagebreak=1#p500