บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๘๐.
สกคามเมว ปจฺจาคนฺตฺวา ทานาทีนิ ปุญฺญานิ กตฺวา ยถากมฺมํ คโต ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โอสฏฺฐวิริโย ภิกฺขุ อรหตฺเต ปติฏฺฐหิ ฯ ตทา อารกฺขิกเชฏฺฐโก ปน อหเมวาติ ฯ ขุรปฺปชาตกํ ปญฺจมํ ------- วาตคฺคสินฺธวชาตกํ เยนาสิ กีสิยา ปณฺฑูติ อิทํ สตฺถา เชตวเน วิหรนฺโต สาวตฺถิยํ อญฺญตรํ กุฏุมฺพิกํ อารพฺภ กเถสิ ฯ สาวตฺถิยํ กิเรกา อิตฺถี เอกํ อภิรูปํ กุฏุมฺพิกํ ทิสฺวา ปฏิพทฺธจิตฺตา อโหสิ ฯ สกลสรีรํ ฌายมาโน วิย ตสฺสา อพฺภนฺตเร กิเลสคฺคิ อุปฺปชฺชิ ฯ สา เนว กายสฺสาทํ น จิตฺตสฺสาทํ อลภิ ฯ ภตฺตมฺปิสฺสา น รุจฺจิ ฯ เกวลํ มญฺจกอฏนึ คเหตฺวา นิปชฺชิ ฯ อถ นํ อุปฏฺฐายิกา จ สหายิกา จ ปุจฺฉึสุ กินฺนุโข ตฺวํ กมฺปมานจิตฺตา อฏนึ คเหตฺวา นิปนฺนา กินฺเต อผาสุกนฺติ ฯ ตาสํ เอกํ เทฺว วาเร อกเถตฺวา ปุนปฺปุนํ วุจฺจมานา ตมตฺถํ อาโรเจสิ ฯ อถ นํ ตา สมสฺสาเสตฺวา ตฺวํ มา โภติ จินฺตยิ มยํ ตํ อาเนสฺสามาติ วตฺวา คนฺตฺวา กุฏุมฺพิเกน สทฺธึ มนฺเตสุํ ฯ โส ปฏิกฺขิปิตฺวา ปุนปฺปุนํ วุจฺจมาโน อธิวาเสสิ ฯ ตา อสุกทิวเส อสุกเวลาย อาคจฺฉาหีติ ปฏิญฺญํ คาเหตฺวา คนฺตฺวา ตสฺสา อาโรเจสุํ ฯเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๘๐. http://84000.org/tipitaka/read/attha_page.php?book=38&page=80&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=1658&modeTY=2&pagebreak=1 http://84000.org/tipitaka/atthapali/th_line.php?B=38&A=1658&modeTY=2&pagebreak=1#p80
จบการแสดงผล หน้าที่ ๘๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]