บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๙ ภาษาบาลี อักษรไทย ชา.อ.๕ ฉกฺก-ทสกนิปาต หน้าที่ ๓๓๘.
อิจฺเจวํ วิลปนฺติยา เอฬกิยา รุหํฆโส คลกํ อนฺธาวมทฺทิ นตฺถิ ทุฏฺเฐ สุภาสิตํ ฯ เนว ทุฏฺเฐ นโย อตฺถิ น ธมฺโม น สุภาสิตํ นิกฺกมฺเม ทุฏฺเฐ ยุญฺเชถ โส จ สพฺภิ น รชฺชตีติ ฯ ตตฺถ รุหํฆโสติ รุหิรภกฺโข โลหิตปายิโต ทีปิโก ฯ คลกํ อนฺธาวมทฺทีติ คีวํ มทฺทิ ฑํสิตฺวา ผาเลตีติ อตฺโถ ฯ นโยติ การณํ ฯ ธมฺโมติ สภาโว ฯ สุภาสิตนฺติ สุกถิตวจนํ ฯ สพฺพเมตํ ทุฏฺเฐ นตฺถีติ อตฺโถ ฯ นิกฺกมฺเม ทุฏฺเฐ ยุญฺเชถาติ ภิกฺขเว ทุฏฺเฐ ปุคฺคเล ปรกฺกเมว ยุญฺเชยฺย ฯ โส จ สพฺภิ น รชฺชตีติ โส ปน ปุคฺคโล สพฺภิ สุนฺทรํ สุภาสิตํ น รชฺชติ น สมฺปิยายตีติ อตฺโถ ฯ ตาปโส ตํ เตสํ กิริยํ สพฺพํ อทฺทส ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เอฬกี เอตรหิ เอฬกี ทีปิโก จ เอตรหิ ทีปิโก ตาปโส ปน อหเมวาติ ฯ ทีปิชาตกํ ทสมํ ฯ กจฺจานิวคฺโค ฯ อฏฺฐกนิปาตวณฺณนา นิฏฺฐิตา ฯ ----------เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๓๓๘. http://84000.org/tipitaka/read/attha_page.php?book=39&page=338&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=6812&modeTY=2&pagebreak=1 http://84000.org/tipitaka/atthapali/th_line.php?B=39&A=6812&modeTY=2&pagebreak=1#p338
จบการแสดงผล หน้าที่ ๓๓๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]