บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๙ ภาษาบาลี อักษรไทย ชา.อ.๕ ฉกฺก-ทสกนิปาต หน้าที่ ๔๐๓.
วิสฺสาเสยฺย ยตฺร หิ นาม มาทิโสปิ อตฺตโน กุจฺฉิยํ รกฺขนฺโต รกฺขิตุํ นาสกฺขิ ฯ ปาตาลปปาตสนฺนิภาติ โลกสฺสาเทน ทุปฺปูรณียตฺตา มหาสมุทฺเท ปาตาลสงฺขาเตน ปปาเตน สทิสา ฯ เอตฺถปฺปมตฺโตติ เอวรูเปสุ เอตาสุ นิคฺคุณาสุ ปมตฺโต ปุริโส มหาพฺยสนํ ปาปุณาติ ฯ ตสฺมา หีติ ยสฺมา มาตุคามวสงฺคตา มหาวินาสํ ปาปุณนฺติ ตสฺมา เย มาตุคามาหิ นิสฺสฏา หุตฺวา จรนฺติ เต สุขิโน ฯ เอตํ สิวนฺติ ยเทตํ มาตุคามโต นิสฺสฏานํ วิสํสฏฺฐานํ จรณํ เอตํ ฌานสุขเมว สิวํ เขมํ อุตฺตมํ อภิปตฺเถตพฺพํ เอตํ ปตฺถยมาโน มาตุคาเมหิ สทฺธึ สนฺถวํ น กเรยฺยาติ ฯ เอวญฺจ ปน วตฺวา ทานโว มหาสตฺตสฺส ปาเทสุ ปติตฺวา ภนฺเต ตุมฺเห นิสฺสาย มยา ชีวิตํ ลทฺธํ นมฺหิ อิมายาหํ ปาปธมฺมาย วิชฺชาธเรน มาราปิโตติ มหาสตฺตํ อภิตฺถวิ ฯ โสปิสฺส ธมฺมํ เทเสตฺวา อิมิสฺสา มา กิญฺจิ ปาปกํ อกาสิ สีลานิ คณฺหาติ ตํ ปญฺจสุ สีเลสุ ปติฏฺฐาเปสิ ฯ ทานโว อหํ กุจฺฉนา ปริหรนฺโตปิ ตํ รกฺขิตุํ น สกฺโกมิ อญฺโญ โกจิ รกฺขิสฺสตีติ ตํ อุยฺโยเชตฺวา อตฺตโน อรญฺญเมว ปาวิสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน อุกฺกณฺฐิตภิกฺขุ โสตาปตฺติผเล ปติฏฺฐหิ ฯ ตทา ทิพฺพจกฺขุตาปโส อหเมวาติ ฯ สมุคฺคชาตกํ ทสมํ ฯเนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๔๐๓. http://84000.org/tipitaka/read/attha_page.php?book=39&page=403&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=8141&modeTY=2&pagebreak=1 http://84000.org/tipitaka/atthapali/th_line.php?B=39&A=8141&modeTY=2&pagebreak=1#p403
จบการแสดงผล หน้าที่ ๔๐๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]