บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 39 : PALI ROMAN Jā.A.5 chakka-dasakanipāta Page 426.
Accasaroti tasseva vevacanaṃ. Idaṃ vuttaṃ hoti ambho mittavinduka suṇohi me vacanaṃ tvaṃ hi atidāruṇassa kammassa katattā atisaro tassa pana na sakkā vassaggaṇanāya vipākaṃ saññāpetunti aparimāṇaṃ atimahantaṃ vipākadukkhaṃ sarissasi paṭipajjissasīti ca atisaro. Tena te ettakāni vassasahassāni vassasatasahassānīti vattuṃ na sakkomi. Sirasmimāviddhanti yaṃ pana te idaṃ cakkaṃ sirasmiṃ āviddhaṃ kumbhakāracakkamiva bhamati. Na tvaṃ jīvaṃ pamokkhasīti taṃ tvaṃ yāva te kammavipākaṃ na khīyati tāva jīvamāno na mokkhasi kammavipāke pana khīṇe idaṃ cakkaṃ pahāya yathākammaṃ gamissasīti. Idaṃ vatvā devaputto attanodevavimānameva gato. Itaropi mahādukkhaṃ paṭipajji. Satthā imaṃ dhammadesanaṃ āharitvā jātakaṃ samodhānesi tadā mittavinduko ayaṃ dubbacabhikkhu ahosi devarājā pana ahamevāti. Catudvārajātakaṃ paṭhamaṃ.The Pali Atthakatha in Roman Character Volume 39 Page 426. http://84000.org/tipitaka/read/attha_page.php?book=39&page=426&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=39&A=8595&pagebreak=1 http://84000.org/tipitaka/atthapali/rm_line.php?B=39&A=8595&pagebreak=1#p426
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]