อรรถกถาเล่มที่ ๓๙ หน้าที่ ๔๙.

อหํ อาทิตฺตสภาวํ กายทุจฺจริตาทิเภทํ วิสมํ จรนฺตํ สุจิชาติโก มนุสฺโส วา ปุคฺคโล คูถกูปํ วิย ทูรโต วิวชฺเชยฺย เอวํ วิสฺสชฺเชยฺยามีติ ฯ อญฺโญ อญฺญสฺส การโกติ เอวํ สนฺเต ลกฺขึ วา อลกฺขึ วา อญฺโญ ปุริโส อญฺญสฺส การโก นาม นตฺถิ ฯ โย โกจิ อตฺตโน ลกฺขึ วา อลกฺขึ วา กโรตีติ ฯ เอวํ วตฺวา มหาสตฺโต สิริเทวิยา วจนํ สุตฺวา อภินนฺทิตฺวา อิทํ อนุจฺฉวิกํ ปลฺลงฺกญฺจ อาสนญฺจ ตุยฺหํเยว อนุจฺฉวิกนฺติ ปลฺลงฺเก จ อาสเน จ นิสีท เจว นิปชฺช จาติ อาห ฯ สา ตตฺถ วสิตฺวา ปจฺจูสกาเล นิกฺขมิตฺวา จาตุมฺมหาราชิกเทวโลเก คนฺตฺวา อโนตตฺตทเห ปฐมํ นหายิตุํ อลภิ ^๑- ฯ ตํปิ สยนํ สิริเทวตาย ปริภุตฺตภาเวน สิริสยนํ นาม ชาตํ ฯ สิริสยนสฺส อยํ วํโส ฯ อิมินา การเณน ยาวชฺชตนา สิริสยนนฺติ วุจฺจติ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิริเทวี อุปฺปลวณฺณา อโหสิ สุจิปริวารเสฏฺฐี ปน อหเมวาติ ฯ สิริกาลกณฺณิชาตกํ สตฺตมํ ฯ @เชิงอรรถ: ^๑ ปฐมํ นหายิ ฯ

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๔๙. http://84000.org/tipitaka/read/attha_page.php?book=39&page=49&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=976&modeTY=2&pagebreak=1 http://84000.org/tipitaka/atthapali/th_line.php?B=39&A=976&modeTY=2&pagebreak=1#p49