อรรถกถาเล่มที่ ๔๐ หน้าที่ ๑๒๒.

สคฺคปุเร ปติฏฺาเปสุนฺติ วตฺวา ชาตกํ สโมธาเนสิ ตทา ปริสา พุทฺธปริสา อโหสิ ชนสนฺธราชา ปน อหเมวาติ ฯ ชนสนฺธชาตกํ ปญฺจมํ ฯ ---------------- ๖ มหากณฺหชาตกํ ฯ กณฺโห กณฺโห จ โฆโรจาติ อิทํ สตฺถา เชตวเน วิหรนฺโต โลกตฺถจริยํ อารพฺภ กเถสิ ฯ เอกทิวสํ หิ ภิกฺขู ธมฺมสภายํ นิสีทิตฺวา ยาวญฺจิทํ อาวุโส สตฺถา พหุชนหิตาย ปฏิปนฺโน อตฺตโน ผาสุวิหารํ ปหาย โลกสฺเสว อตฺถํ จรติ ปรมาภิสมฺโพธึ ปตฺวา สยํ ปตฺตจีวรมาทาย อฏฺารสโยชนมคฺคํ คนฺตฺวา ปญฺจวคฺคิยเถรานํ ธมฺมจกฺกํ ปวตฺเตตฺวา ปญฺจมิยา ปกฺขสฺส อนตฺตลกฺขณสุตฺตํ กเถตฺวา สพฺเพสํ อรหตฺตํ อทาสิ อุรุเวลํ คนฺตฺวา เตภาติกชฏิลานํ อฑฺฒุฑฺฒานิ ปฏิหาริยสหสฺสานิ ทสฺเสตฺวา ปพฺพาเชตฺวา คยาสีเส อาทิตฺตปริยายํ กเถตฺวา ชฏิลสหสฺสานํ อรหตฺตํ อทาสิ มหากสฺสปสฺส ติคาวุตานิ ปจฺจุคฺคมนํ กตฺวา ตีหิ โอวาเทหิ อุปสมฺปทํ อทาสิ เอโก ปจฺฉาภตฺเต ปญฺจจตฺตาฬีสโยชนมคฺคํ คนฺตฺวา ปุกฺกุสาติกุลปุตฺตํ อนาคามิผเล ปติฏฺาเปสิ มหากปฺปินสฺส วีสโยชนสตํ ปจฺจุคฺคมนํ กตฺวา อรหตฺตํ อทาสิ เอโก ปจฺฉาภตฺเต ตึสโยชนมคฺคํ คนฺตฺวา กกฺขลํ ผรุสํ องฺคุลิมาลํ อรหตฺเต ปติฏฺาเปสิ ตึสโยชนเมว มคฺคํ คนฺตฺวา

เนื้อความอรรถกถาฉบับภาษาบาลี อักษรไทย เล่มที่ ๔๐ หน้าที่ ๑๒๒. http://84000.org/tipitaka/read/attha_page.php?book=40&page=122&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=40&A=2479&pagebreak=1 http://84000.org/tipitaka/atthapali/th_line.php?B=40&A=2479&pagebreak=1#p122