บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๔๐ ภาษาบาลี อักษรไทย ชา.อ.๖ เอกาทสก-ปกิณฺณก หน้าที่ ๓๑๔.
สปริโส ปุปฺผปฏํ นิวาเสตฺวา ปารุปิตฺวา นจฺจนฺโต อุฏฺฐหิ ฯ ตํ ทิสฺวา ราชา เนว หสิ ฯ อิติ ตํ ราชานํ หสาเปตุํ อสกฺโกนฺตา มนุสฺสา อุปทฺทูตา อเหสุํ ฯ สกฺโก ตํ การณํ ญตฺวา คจฺฉ ตาต มหาปนาทํ หสาเปตฺวา อุฏฺเฐหีติ เทวนฏํ เปเสสิ ฯ โส อาคนฺตฺวา ราชงฺคเณ อากาเส ฐตฺวา อุปฑฺฒงฺคํนาม ทสฺเสสิ เอโกว หตฺโถ เอโกว ปาโท เอโก อกฺขิ เอกา ภมุกาปิ นจฺจติ จลติ ผนฺทติ เสสํ นิจฺจลํ อโหสิ ฯ ตํ ทิสฺวา มหาปนาโท โถกํ หสิตํ อกาสิ ฯ มหาชโน ปน หสนฺโต หสํ สณฺฐาเรตุํ สตึ ปจฺจุปฏฺฐาเปตุํ อสกฺโกนฺโต องฺคานิ วิสชฺเชตฺวา ราชงฺคเณเยว ปติ ฯ ตสฺมึ กาเล มงฺคลํ นิฏฺฐิตํ เสสเมตฺถ ปนาโทนาม โส ราชา ยสฺส ยูโป สุวณฺณมโยติ มหาปนาทชาตเก วณฺเณตพฺพํ ฯ ราชา มหาปนาโท ทานาทีนิ ปุญฺญานิ กตฺวา อายุหปริโยสาเน เทวโลกเมว คโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา มหาปนาโท ภทฺทชิ อโหสิ สุเมธาเทวี วิสาขา วิสฺสุกมฺโม อานนฺโท สกฺโก ปน อหเมวาติ ฯ สุรุจิชาตกํ ฉฏฺฐํ ฯ -----------เนื้อความอรรถกถาฉบับภาษาบาลี อักษรไทย เล่มที่ ๔๐ หน้าที่ ๓๑๔. http://84000.org/tipitaka/read/attha_page.php?book=40&page=314&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=40&A=6398&modeTY=2&pagebreak=1 http://84000.org/tipitaka/atthapali/th_line.php?B=40&A=6398&modeTY=2&pagebreak=1#p314
จบการแสดงผล หน้าที่ ๓๑๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]