อรรถกถาเล่มที่ ๔๐ หน้าที่ ๘.

สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ (สจฺจปริโยสาเน มาตุโปสกภิกฺขุ โสตาปตฺติผเล ปติฏฺฐหิ ฯ) ตทา ราชา อานนฺโท อโหสิ ฯ ปาปปุริโส เทวทตฺโต อโหสิ ฯ หตฺถาจริโย สารีปุตฺโต อโหสิ สา หตฺถินี มหามายา มาตุโปสกนาโค ปน อหเมว สมฺมาสมฺพุทฺโธติ ฯ มาตุโปสกชาตกํ ปฐมํ ฯ ----------------- ๒ ชุณฺหชาตกํ ฯ สุโณหิ มยฺหํ วจนํ ชนินฺทาติ อิทํ สตฺถา เชตวเน วิหรนฺโต อานนฺทตฺเถเรน ลทฺธวเร อารพฺภ กเถสิ ฯ ปฐมโพธิยมฺหิ วีสติ วสฺสานิ ภควโต อนิวทฺธุปฏฺฐากา อเหสุํ ฯ เอกทา เถโร นาคสมาโล เอกทา นาคิโต เอกทา อุปวาโณ เอกทา สุนกฺขตฺโต เอกทา จุนฺโท เอกทา สาคโต เอกทา เมฆิโย ภควนฺตํ อุปฏฺฐหิ ฯ อเถกทิวสํ ภควา ภิกฺขู อามนฺเตสิ ภิกฺขเว อิทานิมฺหิ มหลฺลโก เอกจฺเจ ภิกฺขู อิมินา มคฺเคน คจฺฉามาติ วุตฺเต อญฺเญน คจฺฉนฺติ เอกจฺเจ มยฺหํ ปตฺตจีวรํ ภูมิยํ นิกฺขิปนฺติ นิวทฺธุปฏฺฐากํ เม เอกํ ภิกฺขุํ ชานาถาติ ฯ ภนฺเต อหํ อุปฏฺฐหิสฺสามิ อหํ อุปฏฺฐหิสฺสามีติ สิรสิ อญฺชลึ กตฺวา อุฏฐิเต สารีปุตฺตตฺเถราทโย ตุมฺหากํ ปตฺถนา มตฺถกํ ปตฺตา อลนฺติ ปฏิกฺขิปิ ฯ ตโต ภิกฺขู

เนื้อความอรรถกถาฉบับภาษาบาลี อักษรไทย เล่มที่ ๔๐ หน้าที่ ๘. http://84000.org/tipitaka/read/attha_page.php?book=40&page=8&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=40&A=144&modeTY=2&pagebreak=1 http://84000.org/tipitaka/atthapali/th_line.php?B=40&A=144&modeTY=2&pagebreak=1#p8