ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๑ ภาษาบาลี อักษรไทย ชา.อ.๗ วีสติ-จตฺตาฬีส

หน้าที่ ๑๙๑.

คมิสฺสามีติ ฯ เปโต สาธุ ภนฺเต อหํ โว นิวทฺธํ อมฺพปกฺเกน
อุปฏฺฐหิสฺสามีติ วตฺวา อตฺตโน อานุภาเวน อสฺสมปเทเยว โอตาเรตฺวา
อนุกฺกณฺฐนฺตา อิเธว วสถาติ ปฏิญฺญํ คเหตฺวา คโต ฯ ตโต
ปฏฺฐาย นิวทฺธํ อมฺพปกฺเกน อุปฏฺฐหิ ฯ ตาปโส ตํ ปริภุญฺชนฺโต
กสิณปริกมฺมํ กตฺวา ฌานาภิญฺญา นิพฺพตฺเตตฺวา พฺรหฺมโลกปรายโน
อโหสิ ฯ
      สตฺถา อุปาสกานํ อิทํ ธมฺมเทสนํ อาหริตฺวา สจฺจานิ
ปกาเสตฺวา ชาตกํ สโมธาเนสิ ฯ สจฺจปริโยสาเน เกจิ โสตาปนฺนา
อเหสุํ เกจิ สกทาคามิโน อเหสุํ เกจิ อนาคามิโน อเหสุํ ฯ
ตทา เทวธีตา อุปฺปลวณฺณา อโหสิ ฯ ตาปโส ปน อหเมวาติ ฯ
                    กึฉนฺทชาตกํ นิฏฺฐิตํ ฯ
                         ปฐมํ ฯ
                    --------------
                        กุมฺภชาตกํ
      โก ปาตุราสีติ อิทํ สตฺถา เชตวเน วิหรนฺโต วิสาขาย
สหายิกา สุราปีตา ปญฺจสตา อิตฺถิโย อารพฺภ กเถสิ ฯ
      สาวตฺถิยํ กิร สุราฉเณ สงฺฆุฏฺเฐ ตา ปญฺจสตา อิตฺถิโย
สามิกานํ ฉเณ กีฬายมานานํ ติกฺขสุรํ ปฏิยาเทตฺวา ฉณํ
กีฬิสฺสามาติ สพฺพาปิ วิสาขาย สนฺติกํ คนฺตฺวา สหายิเก ฉณํ
กริสฺสามาติ วตฺวา อยํ สุราฉโณ อหํ สุรํ น ปิวิสฺสามีติ



เนื้อความอรรถกถาฉบับภาษาบาลี อักษรไทย เล่มที่ ๔๑ หน้าที่ ๑๙๑. http://84000.org/tipitaka/read/attha_page.php?book=41&page=191&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=41&A=3917&modeTY=2&pagebreak=1 http://84000.org/tipitaka/atthapali/th_line.php?B=41&A=3917&modeTY=2&pagebreak=1#p191


จบการแสดงผล หน้าที่ ๑๙๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]