ATTHAKATHA Book 46 : PALI ROMAN
Nid.A.2 (saddhammapaj.)
Page 93.

Parayanikabrahmananam panhanam eva, atha kho pingiyaparibbajakadinampi 1-
panhanam antam karotiti dassetum "pingiyapanhanan"tiadimaha. 1-
      [120] Asamhiranti ragadihi asamhariyam. Asankuppanti asamkuppam
aviparinamadhammam. Dvihipi padehi nibbanam bhanati. Addha gamissamiti ekamseneva
tam anupadisesam nibbanadhatum gamissami. Na mettha kankhati natthi me ettha
nibbane kankha. Evam mam dharehi adhimuttacittanti pingiyo "evameva tvampi
pamuncassu saddhan"ti imina bhagavato ovadena attani saddham uppadetva
saddhadhureneva ca vimuncitva tam saddhadhimuttim pakasento bhagavantam aha
"evam mam dharehi adhimuttacittan"ti. Ayanhettha adhippayo "yatha mam tvam
avaca, evameva mam adhimuttacittam dharehi"ti.
      Na samhariyatiti gahetva samharitum na sakka. Niyogavacananti yuttavacanam.
Avatthapanavacananti sannitthanavacanam. Imasmim parayanavagge yam antarantara na
vuttam, tam hettha vuttanayena gahetabbam. Sesam sabbattha pakatameva.
                  Saddhammappajjotikaya culaniddesatthakathaya
                 parayananugitigathaniddesavannana nitthita.
                      Parayanavaggavannana nitthita.
                            --------
@Footnote: 1 cha.Ma. sabhiYu....


The Pali Atthakatha in Roman Character Volume 46 Page 93.
http://84000.org/tipitaka/read/attha_page.php?book=46&page=93&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=46&A=2359&modeTY=2&pagebreak=1
http://84000.org/tipitaka/atthapali/rm_line.php?B=46&A=2359&modeTY=2&pagebreak=1#p93