บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 47 : PALI ROMAN Patisam.A.1 (saddhamma.1) Page 146.
Uddhaccam ahirikam anottappanti ime kilesa sahajekatthavasena pahiyanti, dvisu ditthisampayuttasasankharikacittesu pahiyamanesu tehi sahajato lobho moho thinam uddhaccam ahirikam anottappanti ime kilesa sahajekatthavasena pahiyanti. Olarike kileseti olarikabhute kamaragabyapade. Anusahagate kileseti sukhumabhute kamaragabyapade. Sabbakileseti maggattayena pahinavasese. Viriyam vahetiti yogavaro viriyam pavatteti. Hettha esanapatilabhaekarasa- asevanavacanani bhavananam visesadassanattham vuttani "evambhuta ca bhavana"ti. Idha "tattha jatanam dhammanam anativattanatthena indriyanam ekarasatthena tadupagaviriyavahanatthena asevanatthena"ti vacanani bhavanahetudassanattham vuttani "imina ca imina ca hetuna bhavana"ti. Hettha asevana bhavanati nanakkhanavasena vutta idha asevanatthena bhavanati ekakkhanavasenati viseso. Rupam passanto bhavetitiadisu rupadini passitabbakarena passanto bhavetabbam bhavanam bhavetiti attho. Ekarasa hontiti vimuttirasena, kiccarasena va ekarasa honti. Vimuttirasoti sampattiraso. Kiccasampattiatthena raso nama pavuccatiti hi vuttanti. Bhavetabbaniddesavannana nitthita. ------------ Sacchikatabbaniddesavannana [29] Sacchikatabbaniddese dasa ekuttaravissajjanani patilabhasacchikiriyavasena vuttani. Tattha akuppa cetovimuttiti arahattaphalavimutti. Sa hi na kuppati na calati na parihayatiti akuppa, sabbakilesehi cittassa vimuttatta cetovimuttiti vuccati. Vijjati tisso vijja. Vimuttiti dasuttarapariyayena arahattaphalam vuttam,The Pali Atthakatha in Roman Character Volume 47 Page 146. http://84000.org/tipitaka/read/attha_page.php?book=47&page=146&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=47&A=3265&modeTY=2&pagebreak=1 http://84000.org/tipitaka/atthapali/rm_line.php?B=47&A=3265&modeTY=2&pagebreak=1#p146
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]