ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๗ ภาษาบาลี อักษรไทย ปฏิสํ.อ.๑ (สทฺธมฺม.๑)

หน้าที่ ๑๕๓.

                        ลกฺขณตฺติกนิทฺเทสวณฺณนา
     [๓๑] อิทานิ ยสฺมา เอเกโกปิ โลกิยธมฺโม ติลกฺขณพฺภาหโต, ตสฺมา
ลกฺขณตฺติกํ เอกโต นิทฺทิฏฺฐํ. ตตฺถ อนิจฺจํ ขยฏฺเฐนาติ ตตฺถ ตตฺเถว
ขียนภาเวน อนิจฺจํ. "ขยธมฺมตฺตา วยธมฺมตฺตา วิราคธมฺมตฺตา นิโรธธมฺมตฺตา
อนิจฺจนฺ"ติ เอเก. ทุกฺขํ ภยฏฺเฐนาติ สปฺปฏิภยตาย ทุกฺขํ. ยํ หิ อนิจฺจํ, ตํ
ภยาวหํ โหติ สีโหปมสุตฺเต ๑- เทวานํ วิย. "ชาติชราพฺยาธิมรณภยฏฺเฐน ๒- ทุกฺขนฺ"ติ
เอเก. อนตฺตา อสารกฏฺเฐนาติ "อตฺตา นิวาสี การโก เวทโก สยํวสี"ติ เอวํ
ปริกปฺปิตสฺส อตฺตสารสฺส อภาเวน อนตฺตา. ยํ หิ อนิจฺจํ ทุกฺขํ, ตํ อตฺตโนปิ
อนิจฺจตํ วา อุทยพฺพยปีฬนํ วา ธาเรตุํ น สกฺโกติ, กุโต ตสฺส การกาทิภาโว.
วุตฺตญฺจ "รูปญฺจ หิทํ ภิกฺขเว อตฺตา อภวิสฺส, นยิทํ รูปํ อาพาธาย
สํวตฺเตยฺยา"ติอาทิ. ๓- "อตฺตสารนิจฺจสารวิรหิตตฺตา อนตฺตา"ติ เอเก.
                    ลกฺขณตฺติกนิทฺเทสวณฺณนา นิฏฺฐิตา.
                         --------------
                        ทุกฺขสจฺจนิทฺเทสวณฺณนา
     [๓๒-๓๓] อริยสจฺจจตุกฺกมฺปิ ตถฏฺเฐน สจฺจานํ เอกสมฺพนฺธตฺตา เอกโต
เอว นิทฺทิฏฺฐํ. ตตฺถ ตตฺถาติ เตสุ จตูสุ อริยสจฺเจสุ. กตมนฺติ กเถตุกมฺยตา-
ปุจฺฉา. ทุกฺขํ อริยสจฺจนฺติ ปุจฺฉิตธมฺมนิทสฺสนํ. ตตฺถ ชาติปิ ทุกฺขาติอาทีสุ
ชาติสทฺทสฺส ตาว อเนเก อตฺถา ปเวทิตา. ยถาห:-
             "ภโว กุลํ นิกาโย จ      สีลํ ปญฺญนฺติ ลกฺขณํ
              ปสูติ สนฺธิ เจวาติ       ชาติอตฺถา ปเวทิตา. "
@เชิงอรรถ:  สํ.ข. ๑๗/๗๘/๖๙  สี. ชาติชราพฺยาธิมรณํ ภยฏฺเฐน  วิ.มหา. ๔/๒๐/๑๗



เนื้อความอรรถกถาฉบับภาษาบาลี อักษรไทย เล่มที่ ๔๗ หน้าที่ ๑๕๓. http://84000.org/tipitaka/read/attha_page.php?book=47&page=153&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=47&A=3422&modeTY=2&pagebreak=1 http://84000.org/tipitaka/atthapali/th_line.php?B=47&A=3422&modeTY=2&pagebreak=1#p153


จบการแสดงผล หน้าที่ ๑๕๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]