บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 47 : PALI ROMAN Patisam.A.1 (saddhamma.1) Page 153.
Lakkhanattikaniddesavannana [31] Idani yasma ekekopi lokiyadhammo tilakkhanabbhahato, tasma lakkhanattikam ekato niddittham. Tattha aniccam khayatthenati tattha tattheva khiyanabhavena aniccam. "khayadhammatta vayadhammatta viragadhammatta nirodhadhammatta aniccan"ti eke. Dukkham bhayatthenati sappatibhayataya dukkham. Yam hi aniccam, tam bhayavaham hoti sihopamasutte 1- devanam viya. "jatijarabyadhimaranabhayatthena 2- dukkhan"ti eke. Anatta asarakatthenati "atta nivasi karako vedako sayamvasi"ti evam parikappitassa attasarassa abhavena anatta. Yam hi aniccam dukkham, tam attanopi aniccatam va udayabbayapilanam va dharetum na sakkoti, kuto tassa karakadibhavo. Vuttanca "rupanca hidam bhikkhave atta abhavissa, nayidam rupam abadhaya samvatteyya"tiadi. 3- "attasaraniccasaravirahitatta anatta"ti eke. Lakkhanattikaniddesavannana nitthita. -------------- Dukkhasaccaniddesavannana [32-33] Ariyasaccacatukkampi tathatthena saccanam ekasambandhatta ekato eva niddittham. Tattha tatthati tesu catusu ariyasaccesu. Katamanti kathetukamyata- puccha. Dukkham ariyasaccanti pucchitadhammanidassanam. Tattha jatipi dukkhatiadisu jatisaddassa tava aneke attha pavedita. Yathaha:- "bhavo kulam nikayo ca silam pannanti lakkhanam pasuti sandhi cevati jatiattha pavedita. " @Footnote: 1 sam.kha. 17/78/69 2 Si. jatijarabyadhimaranam bhayatthena 3 vi.maha. 4/20/17The Pali Atthakatha in Roman Character Volume 47 Page 153. http://84000.org/tipitaka/read/attha_page.php?book=47&page=153&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=47&A=3422&modeTY=2&pagebreak=1 http://84000.org/tipitaka/atthapali/rm_line.php?B=47&A=3422&modeTY=2&pagebreak=1#p153
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]