บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 47 : PALI ROMAN Patisam.A.1 (saddhamma.1) Page 328.
Tasam tissannam aranaviharataya siddhatta. Phalasamapattivipassanaya pana bhumibhutanam jhanasamapattinam aranaviharata avuttena na sijjhati, tasma asiddhameva sadhetum "pathamam jhanam aranaviharo"tiadi vuttanti veditabbam. Tasam hi aranaviharata uddesavasena asiddhapi niddese vuttatta siddhati. Tesam va yojitanayeneva "aniccanupassana niccasannam haratiti aranaviharo, dukkhanupassana sukhasannam haratiti aranaviharo, anattanupassana attasannam haratiti aranaviharo, sunnato viharo asunnatam haratiti aranaviharo, animitto viharo nimittam haratiti aranaviharo, appanihito viharo panidhim haratiti aranaviharo, sunnatadhimuttata asunnatadhimuttim haratiti aranaviharo, animittadhimuttata nimittadhimuttim haratiti aranaviharo, appanihitadhimuttata panihitadhimuttim haratiti aranaviharo"ti yojetva gahetabbam. Aranaviharanananiddesavannana nitthita. -------------- 34. Nirodhasamapattinananiddesavannana [83] Nirodhasamapattinananiddese samathabalanti kamacchandadayo paccanika- dhamme sametiti samatho, soyeva akampaniyatthena balam. Anagamiarahantanamyeva samadhipatipakkhassa kamacchandassa pahanena samadhismim paripurakaribhavappattatta tesamyeva samadhi balappattoti katva "samathabalan"ti vuccati, na annesam. Samadhi- balantipi patho. Vipassanabalanti aniccadivasena vividhehi akarehi dhamme passatiti vipassana, sayeva akampaniyatthena balam. Tesamyeva ubhinnam balappattam vipassanananam. Tattha samathabalam anupubbena cittasantanavupasamanattham nirodhe ca patipadanattham, vipassanabalam pavatte adinavadassanattham nirodhe ca anisamsadassanattham.The Pali Atthakatha in Roman Character Volume 47 Page 328. http://84000.org/tipitaka/read/attha_page.php?book=47&page=328&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=47&A=7322&modeTY=2&pagebreak=1 http://84000.org/tipitaka/atthapali/rm_line.php?B=47&A=7322&modeTY=2&pagebreak=1#p328
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]