Tadanurupeneva idhapi therena desana kata. Attho hi anekehi akarehi vibhajjamano
suvibhatto hoti, annatha ca anno bujjhati, annatha ca annoti. Ratikaranatthena
pana ratidayakatthena ratijanakatthena cittikatatthena dullabhapatubhavatthena atulatthena
anomasattaparibhogatthena ca pannava ratanam pannaratanam.
Na tena satta muyhanti, sayam va arammane na muyhatiti amoho. Dhammavicayapadam
vuttatthameva. Kasma panetam puna vuttanti? amohassa mohappatipakkhabhavadipanattham.
Tenetam dipeti "yvayam amoho, so na kevalam mohato anno dhammo, mohassa
pana patipakkho dhammavicayasankhato amoho nama idha adhippeto"ti. Sammaditthiti
yathavaniyyanikakusaladitthi. "tattha katamam dukkhasamudaye nanam, tattha katamam dukkhanirodhe
nanam, tattha katamam dukkhanirodhagaminiya patipadaya nanan"ti pucchavacanani
sankhepavasena vuttaniti.
Saccananacatukkaniddesavannana nitthita.
-------------
64-67. Suddhikapatisambhidanananiddesavannana
[110] Suddhikapatisambhidanananiddese imesam nananam pabhedabhavatoyeva
hettha viya pabhedam adassetvayeva atthesu nanam atthapatisambhidatiadi
vuttam. Pannapabhedabhavepi attana patividdhacatusaccadhammattavasena nanattasabhavato
atthananatte panna atthapatisambhidananantiadi vuttam. Tattha nanatteti atthadinam
anekabhave. Vavatthaneti atthadinam nicchayane. Sallakkhaneti atthadinam
sammadassane. Upalakkhaneti atthadinam bhusam dassane. Pabhedeti atthadinam nanabhede.
The Pali Atthakatha in Roman Character Volume 47 Page 400.
http://84000.org/tipitaka/read/attha_page.php?book=47&page=400&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=47&A=8928&modeTY=2&pagebreak=1
http://84000.org/tipitaka/atthapali/rm_line.php?B=47&A=8928&modeTY=2&pagebreak=1#p400
