อรรถกถาเล่มที่ ๕ หน้าที่ ๓๑๑.

ทูเร สตฺถารํ ปสฺสสิ เทวเตติ. กึ กเถถ ภนฺเต, สตฺถา มหาวเน ธมฺมํ เทเสนฺโต นิรนฺตรํ มมญฺเว โอโลเกสีติ ^๑- มญฺมานา โอตฺตปฺปามิ ^๒- หิริยามีติ. ^๒- ตํทิวสํ กิร โกฏิสตสหสฺสเทวตา อรหตฺตํ ปตฺตา, กึ ^๓- ตุเมฺหปิ ตทา อรหตฺตํ ปตฺตาติ. นตฺถิ ภนฺเตติ. อนาคามิผลํ ปตฺตตฺถ มญฺเติ. นตฺถิ ภนฺเตติ. สกทาคามิผลํ ปตฺตตฺถ มญฺเติ. นตฺถิ ภนฺเตติ. ตโย มคฺเค ปตฺตา กิร เทวตา คณนปถํ อตีตา, โสตาปนฺนา ชาตตฺถ มญฺเติ. เทวตา ตํทิวสํ โสตาปตฺติผลํ ปตฺตา ^๔- หรายมานา "อปุจฺฉิตพฺพํ ปุจฺฉติ อยฺโย"ติ อาห. ตโต นํ โส ภิกฺขุ อาห "สกฺกา ปน เทวเต ตว อตฺตภาวํ อมฺหากํ ทสฺเสตุนฺ"ติ. น สกฺกา ภนฺเต สกลกายํ ทสฺเสตุํ, องฺคุลิปพฺพมตฺตํ ทสฺเสสฺสามิ อยฺยสฺสาติ กุญฺจิกฉิทฺเทน องฺคุลึ อนฺโตเลณาภิมุขํ อกาสิ, จนฺทสหสฺสสุริยสหสฺสอุคฺคมนกาโล วิย อโหสิ. เทวธีตา "อปฺปมตฺตา ภนฺเต โหถา"ติ ทหรภิกฺขุํ วนฺทิตฺวา อคมาสิ. เอวํ อิมํ สุตฺตํ เทวตานํ ปิยํ มนาปํ, มมายนฺติ นํ เทวตาติ. มหาสมยสุตฺตวณฺณนา นิฏฺิตา. ---------- @เชิงอรรถ: ^๑ ฉ.ม., อิ. โอโลเกตีติ ^๒-๒ ฉ.ม. โอตฺตปฺปมานา โอมีสุ นีลยามิ, อิ. @โอตฺตปฺปมานา หิริยมานา อูมีสุ นิลียามิ. ^๓ ฉ.ม. กึ สทฺโท น ทิสฺสติ. @^๔ ฉ.ม., อิ. ปตฺตตฺตา

เนื้อความอรรถกถาฉบับภาษาบาลี อักษรไทย เล่มที่ ๕ หน้าที่ ๓๑๑. http://84000.org/tipitaka/read/attha_page.php?book=5&page=311&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=5&A=7961&pagebreak=1 http://84000.org/tipitaka/atthapali/th_line.php?B=5&A=7961&pagebreak=1#p311