บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 102.
Pancavassikova pabbajitva nacirasseva araha hutva katapunnanamena padumattheroti pakato. [67] Attano pubbakammam saritva somanassajato pubbacaritapadanam pakasento catusaccam pakasentotiadimaha. Tattha saccanti tatham avitatham aviparitam saccam, dukkhasamudayanirodhamaggavasena cattari saccani samahataniti catusaccam, tam catusaccam pakasento loke pakatam karontoti attho. Varadhammappavattakoti 1- uttamadhammappavattako pakasakoti attho, amatam vutthinti amatamahanibbanavutthidharam pavassanto paggharanto sadevakam lokam temento sabbakilesaparilaham nibbapento dhammavassam vassatiti attho. [68] Sadhajam padumam gayhati dhajena saha ekato katva padumam padumakalapam gahetvati attho. Addhakose thito ahanti ubho ukkhipitva thito ahanti attho. Sesam sabbattha uttanatthamevati. Padumattherapadanavannana nitthita ------------ 62. 10. Asanabodhiyattherapadanavannana jatiya sattavassohantiadikam ayasmato asanabodhiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto tissassa bhagavato kale annatarasmim kulagehe nibbatto vuddhippatto sukhappatto sasane pasanno asanabodhito phalam gahetva tato vutthitabodhitarune gahetva bodhim ropesi, yatha na vinassati tatha udakasincanadikammena rakkhitva pujesi. So tena punnena devamanussesu sampattiyo anubhavitva @Footnote: 1 pali. varadhammam pavattako.The Pali Atthakatha in Roman Character Volume 50 Page 102. http://84000.org/tipitaka/read/attha_page.php?book=50&page=102&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=2243&modeTY=2&pagebreak=1 http://84000.org/tipitaka/atthapali/rm_line.php?B=50&A=2243&modeTY=2&pagebreak=1#p102
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]