อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๐๖.

นิเสวิตนฺติ อตฺโถ. อาหุตีนํ ปฏิคฺคหนฺติ อาหุนํ วุจฺจติ ปูชาสกฺการํ ปฏิคฺคหํ
เคหสทิสนฺติ อตฺโถ.
     [๒] ถูปํ กตฺวาน เวฬุนาติ ๑- เวฬุเปสิกาหิ เจติยํ กตฺวาติ อตฺโถ.
นานาปุปฺผํ สโมกิรินฺติ จมฺปกาทีหิ อเนเกหิ ปุปฺเผหิ สโมกิรึ ปูเชสินฺติ อตฺโถ.
สมฺมุขา วิย สมฺพุทฺธนฺติ สชีวมานสฺส สมฺพุทฺธสฺส สมฺมุขา อิว นิมฺมิตํ
อุปฺปาทิตํ  เจติยํ อหํ อภิ วิเสเสน วนฺทึ ปณามมกาสินฺติ อตฺโถ. เสสํ
สุวิญฺเญยฺยเมวาติ.
                  สกจินฺตนิยตฺเถราปทานวณฺณนา นิฏฺฐิตา.
                         ---------------
                 ๖๔. ๒. อโวปุปฺผิยตฺเถราปทานวณฺณนา ๒-
     วิหารา อภินิกฺขมฺมาติอาทิกํ อายสฺมโต อโวปุปฺผิยตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ
อุปจินนฺโต สิขิสฺส ภควโต กาเล กุลเคเห นิพฺพตฺโต วิญฺญุตํ ปตฺโต
สทฺธาสมฺปนฺโน ธมฺมํ สุตฺวา โสมนสฺสปฺปตฺโต นานาปุปฺผานิ อุโภหิ หตฺเถหิ
คเหตฺวา พุทฺธสฺส อุปริ อพฺภุกฺกิริ. โส เตน ปุญฺเญน เทวมนุสฺเสสุ
สํสรนฺโต สคฺคสมฺปตฺติญฺจ จกฺกวตฺติสมฺปตฺติญฺจ อนุภวิตฺวา สพฺพตฺถ ปูชิโต
อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต วุทฺธิปฺปตฺโต สาสเน
ปสีทิตฺวา ปพฺพชิตฺวา นจิรสฺเสว อรหา อโหสิ. อา สมนฺตโต กาสติ ทิปฺปตีติ
อากาโส, ตสฺมึ อากาเส ปุปฺผานํ อวกิริตตฺตา ๓- อโวปุปฺผิยตฺเถโรติ ปากโฏ.
     [๗] เอวํ ปตฺตสนฺติปโท อตฺตโน ปุพฺพกมฺมํ สริตฺวา โสมนสฺสชาโต
ปุพฺพจริตาปทานํ ปกาเสนฺโต วิหารา  อภินิกฺขมฺมาติอาทิมาห. ตตฺถ วิหาราติ
@เชิงอรรถ: ๑ ปาฬิ. เวฬินํ.               ๒ ปาฬิยํ อาโปปุปฺผิยตฺเถราปทานนฺติ ทิสฺสติ.
@           ๓ สี. ปุปฺผานิ อากิรึ ตโต.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๐๖.
http://84000.org/tipitaka/read/attha_page.php?book=50&page=106&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=2314&modeTY=2&pagebreak=1
http://84000.org/tipitaka/atthapali/th_line.php?B=50&A=2314&modeTY=2&pagebreak=1#p106