อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๑๙.

                   ๗๔. ๒. ปทสญฺกตฺเถราปทานวณฺณนา
     อกฺกนฺตญฺจ ปทํ ทิสฺวาติอาทิกํ อายสฺมโต ปทสญฺกตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ๑- วิวฏฺฏูปนิสฺสยานิ ปุญฺานิ
อุปจินนฺโต ติสฺสสฺส ภควโต กาเล เอกสฺมึ สทฺธาสมฺปนฺเน อุปาสกเคเห
นิพฺพตฺโต วิญฺุตํ ปตฺโต รตนตฺตเย ปสนฺโน ภควตา ตสฺส อนุกมฺปาย
ทสฺสิตํ ปทเจติยํ ทิสฺวา ปสนฺโน โลมหฏฺชาโต วนฺทนปูชนาทิพหุมานมกาสิ.
โส เตเนว สุเขตฺเต สุกเตน ปุญฺเน ตโต จุโต สคฺเค นิพฺพตฺโต ตตฺถ
ทิพฺพสุขมนุภวิตฺวา อปรภาเค ทิพฺพสุขมนุภวิตฺวา อปรภาเค มนุสฺเสสุ ชาโต
มนุสฺสสมฺปตฺตึ สพฺพมนุภวิตฺวา อิมสฺมึ พุทฺธุปฺปาเท วิภวสมฺปนฺนกุเล นิพฺพตฺโต
วุทฺธิมนฺวาย สทฺธาชาโต ปพฺพชิตฺวา นจิรสฺเสว อรหา อโหสิ, ปุรากตปุญฺนาเมน
ปทสญฺกตฺเถโรติ ปากโฏ.
     [๕] โส เอกทิวสํ อตฺตโน ปุพฺพกมฺมํ สริตฺวา ปุพฺพจริตาปทานํ
ปกาเสนฺโต อกฺกนฺตญฺจ ปทํ ทิสฺวาติอาทิมาห. ตตฺถ อกฺกนฺตนฺติ อกฺกมิตํ
ทสฺสิตํ. สพฺพพุทฺธานํ สพฺพทา จตุรงฺคุโลปริเยว คมนํ, อยํ ปน ตสฺส
สทฺธาสมฺปนฺนตํ ตฺวา "เอโส อิมํ ปสฺสตู"ติ ปทเจติยํ ทสฺเสสิ. ตสฺมา โส
ตสฺมึ ปสีทิตฺวา วนฺทนปูชนาทิสกฺการมกาสีติ อตฺโถ. เสสํ สพฺพตฺถ
อุตฺตานตฺถเมวาติ.
                   ปทสญฺกตฺเถราปทานวณฺณนา นิฏฺิตา.
                         --------------
                  ๗๕. ๓. พุทฺธสญฺกตฺเถราปทานวณฺณนา
     ทุมคฺเค ปํสุกูลิกนฺติอาทิกํ อายสฺมโต พุทฺธสญฺกตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺานิ
@เชิงอรรถ: ๑ ฉ.ม. อุปฺปนฺนุปฺปนฺนภเว.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๑๙.
http://84000.org/tipitaka/read/attha_page.php?book=50&page=119&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=2584&pagebreak=1
http://84000.org/tipitaka/atthapali/th_line.php?B=50&A=2584&pagebreak=1#p119