ATTHAKATHA Book 50 : PALI ROMAN
Apa.A.2 (visuddha.2)
Page 135.

     [39] So aparabhāge attano pubbakammaṃ anussaritvā pubbacaritāpadānaṃ
pakāsento pabbate himavantamhītiādimāha. Taṃ sabbaṃ heṭṭhā vuttanayattā
uttānatthamevāti.
                   Phaladāyakattherāpadānavaṇṇanā niṭṭhitā.
                          -------------
                  90. 8. Saddasaññakattherāpadānavaṇṇanā
     pabbate himavantamhītiādikaṃ āyasmato saddasaññakattherassa apadānaṃ.
Ayampi purimabuddhesu katādhikāro tattha tattha bhave vivaṭṭūpanissayāni puññāni
upacinanto phussassa bhagavato kāle ekasmiṃ kulagehe nibbatto vuddhippatto
saddhājāto tāpasapabbajjaṃ pabbajitvā himavantamhi araññāvāse 1- vasanto
attano anukampāya upagatassa bhagavato dhammaṃ sutvā dhammesu cittaṃ pasādetvā
yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo
ca manussesu manussasampattiyo anubhavitvā imasmiṃ buddhuppāde ekasmiṃ kulagehe
nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ
pāpuṇi.
     [43] So aparabhāge attano pubbakammaṃ saritvā somanassajāto
pubbacaritāpadānaṃ pakāsento pabbate himavantamhītiādimāha. Taṃ sabbaṃ
uttānatthamevāti.
                  Saddasaññakattherāpadānavaṇṇanā niṭṭhitā.
                        -----------------
@Footnote: 1 Sī. araññavāsaṃ.


The Pali Atthakatha in Roman Character Volume 50 Page 135.
http://84000.org/tipitaka/read/attha_page.php?book=50&page=135&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=2920&pagebreak=1
http://84000.org/tipitaka/atthapali/rm_line.php?B=50&A=2920&pagebreak=1#p135