บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 137.
92. 10. Padumapupphiyattherapadanavannana pokkharavanam pavitthotiadikam ayasmato padumapupphiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto phussassa bhagavato kale ekasmim 1- kulagehe nibbatto vuddhimanvaya padumasampannam ekam pokkharanim pavisitva bhisamulale khadanto pokkharaniya avidure gacchamanam phussam bhagavantam disva pasannamanaso tato padumani ocinitva akase ukkhipitva bhagavantam pujesi, tani pupphani akase vitanam hutva atthamsu. So bhiyyoso mattaya pasannamanaso pabbajitva vattapatipattisaro samanadhammam puretva tato cuto tusitabhavanamalam kurumano 2- viya tattha uppajjitva kamena cha kamavacarasampattiyo ca manussasampattiyo ca anubhavitva imasmim buddhuppade kulagehe nibbatto vuddhippatto saddhajato pabbajitva nacirasseva araha ahosi. [51] So aparabhage attano pubbakammam saritva somanassajato pubbacaritapadanam pakasento pokkharavanam pavitthotiadimaha. Tattha pakarena naladandapattadihi kharantiti pokkhara, pokkharanam samutthitatthena samuhanti pokkharavanam, padumagacchasandehi manditam majjham pavittho ahanti attho. Sesam sabbattha uttanatthamevati. Padumapupphiyattherapadanavannana nitthita. Navamavaggavannana nitthita. ------------- @Footnote: 1 Si. annatarasmim. 2 Ma. bhavanamangalamkurumano.The Pali Atthakatha in Roman Character Volume 50 Page 137. http://84000.org/tipitaka/read/attha_page.php?book=50&page=137&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=2961&modeTY=2&pagebreak=1 http://84000.org/tipitaka/atthapali/rm_line.php?B=50&A=2961&modeTY=2&pagebreak=1#p137
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]