อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๓๙.

สกลจกฺกวาฬคพฺเภ อิสฺสรํ จกฺกวตฺติรชฺชํ กเรยฺยาติ อตฺโถ. เอกิสฺสา
ปูชนาเยตนฺติ ธาตุคพฺเภ เจติยา กตาย เอกิสฺสา ปูชาย เอตํ สกลชมฺพุทีเป
สตฺตรตนาทิกํ สกลํ ธนํ. กลํ นาคฺฆติ โสฬสินฺติ เจติเย กตปูชาย โสฬสกฺขตฺตุํ
วิภตฺตสฺส โสฬสมโกฏฺฐาสสฺส น อคฺฆตีติ อตฺโถ.
     [๔] สิทฺธตฺถสฺส ฯเปฯ ผลิตนฺตเรติ นรานํ อคฺคสฺส เสฏฺฐสฺส
สิทฺธตฺถสฺส ภควโต เจติเย ธาตุคพฺภมฺหิ สุธากมฺเม กรียมาเน ปริจฺเฉทานํ
อุภินฺนมนฺตเร เวมชฺเฌ, อถ วา ปุปฺผทานฏฺฐานานํ อนฺตเร ผลนฺติยา มยา
สุธาปิณฺโฑ ทินฺโน มกฺขิโตติ ๑- สมฺพนฺโธ. เสสํ สพฺพตฺถ อุตฺตานเมวาติ.
                  สุธาปิณฺฑิยตฺเถราปทานวณฺณนา นิฏฺฐิตา.
                         --------------
                  ๙๔. ๒. สุปีฐิยตฺเถราปทานวณฺณนา ๒-
     ติสฺสสฺส โลกนาถสฺสาติอาทิกํ อายสฺมโต สุปีฐิยตฺเถรสฺส อปทานํ. อยมฺปิ
ปุริมพุทฺเธสุ กตาธิกาโร อเนกาสุ ชาตีสุ นิพฺพานาธิคมาย ปุญฺญํ อุปจินิตฺวา
ติสฺสสฺส ภควโต กาเล เอกสฺมึ กุลเคเห นิพฺพตฺโต วุทฺธิมนฺวาย สตฺถริ
ปสีทิตฺวา สตฺถุ นิสีทนตฺถาย ปริสุทฺธํ สิลิฏฺฐํ กฏฺฐมยมนคฺฆปีฐมทาสิ. โส
เตน ปุญฺญกมฺเมน สุคติสุขมนุภวิตฺวา ตตฺถ ตตฺถ สํสรนฺโต อิมสฺมึ พุทฺธุปฺปาเท
เอกสฺมึ กุลเคเห นิพฺพตฺโต วุทฺธิมนฺวาย สตฺถริ ปสีทิตฺวา ปพฺพชิตฺวา ๓-
นจิรสฺเสว อรหา อโหสิ.
     [๘] โส ปตฺตอรหตฺตผโล ปุพฺพกมฺมํ สริตฺวา โสมนสฺสชาโต ปุพฺพจริตาปทานํ
ปกาเสนฺโต ติสฺสสฺส โลกนาถสฺสาติอาทิมาห. ตํ สพฺพํ อุตฺตานตฺถเมวาติ.
                    สุปีฐิยตฺเถราปทานวณฺณนา นิฏฺฐิตา.
                        ----------------
@เชิงอรรถ: ๑ สี. ปกฺขิโตติ.  ๒ ฉ.ม. สุจินฺติกตฺเถราปทานวณฺณนา.  ๓ ฉ.ม. ปพฺพชิโต.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๓๙.
http://84000.org/tipitaka/read/attha_page.php?book=50&page=139&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=3003&modeTY=2&pagebreak=1
http://84000.org/tipitaka/atthapali/th_line.php?B=50&A=3003&modeTY=2&pagebreak=1#p139